ပြောင်လျှာရှည်တို့ကတဲ့ဇာတ် (၉)

ကတ္တီပါပြည်ဖုံးကားကြီးတလိပ်လိပ်တက်လာခဲ့ပါပြီ။ စင်နံဘေး၊ ၀ဲယာမှ မီးစက်နဲ့မောင်းထားတဲ့ မီးရောင်တွေဟာ မှုန်နေရာမှတဖြေးဖြေး လင်းလာတာနဲ့အတူ၊ လူရွှင်တော် ပြောင်ရှည်၊လျှာရှည်နှစ်ယောက်ပရိတ်သတ်ကိုလက်အုပ်ကလေးချီလျက်ရပ်နေကြပါတယ်။ နှစ်ဦးသား ခေါင်းတွေကိုယ်စီငုံ့နေရာမှ မော့လာပြီးနောက် ... ခွန်းထောက်စဆိုတော့၏။ ...


ပြောင်ရှည် ။ ။ “ ဒို့ရွှေမြန်မာ .. (ဆိုင်းအလိုက်သံလေး ..)၊ ဒို့ရွှေမြန်မာ..၊ Force Labour ရန်ကင်းစေဖို့..၊ သေမင်းရယ်တဲ့ .. မြန်မြန် ခေါ်ပါ .... ”

လျှာရှည် ။ ။ “ အာ ... (ဖြောင်း..) မစရသေးဘူး၊ နမိတ်မရှိ ..၊ နမာမရှိ .. ”

ပြောင်ရှည် ။ ။ “ အေး .. အေး .. ၊ ငါဟိုနေ့က တန်ပြန်ဆန္ဒပြပွဲလိုက်သွားရတာ အမှတ်ရလို့ ..ကဲ .. ပြန်ဆိုမယ်၊ ပြန်ဆိုမယ် .. ”

လျှာရှည် ။ ။ “ ကဲ ..ဆိုင်းဆရာရေ ..လိုက်ထောက်ပေးနော့ .. ဆိုင်းပြောတာ .. ၊ ”

ပြောင်ရှည် ။ ။ “ ဒို့ရွှေမြန်မာ ..၊ ကိုယ့်နေရာအမှန် .. ပြန်ရောက်စေဖို့၊ (လျှာရှည်ဘက်လှည့်ကာ) ကိုလျှာရှည်ရေ .. ကျွန်တော်တို့ မြန်မာလူမျိုးတွေဟာ လွတ်လပ်ရေးတကယ်မရသေးဘူး မဟုတ်လားခင်ဗျာ။ ”

လျှာရှည် ။ ။ “ မှန်ပါပေ့ ကိုပြောင်ရှည်ခင်ဗျာ ..၊ မြန်မာပြည်လွတ်လပ်ရေးရတယ်သာပြောတယ်၊ ကျုပ်ရွာမှာကင်းစောင့်နေရတုန်း..၊ သောင်းကျန်းသူတွေလာမယ်သတင်းရလို့တဲ့ ...၊ ကဲ .. ခွန်းထောက်လေးဆက်ဆိုပါဦးဗျာ .. “

ပြောင်ရှည် ။ ။ “ ဟုတ်ကဲ့ ..၊ (ခွန်းထောက်ပြန်ဆက်) ကိုယ့်နေရာအမှန်ပြန်ရောက်စေဖို့၊ တစ်ယောက်မကျန်၊ စစ်အာဏာဖြိုသာချရ မှာပ၊ ဒါမှ ..၊ သာစွ၊ မြန်ပြည်အဓွန့်ရှည်မှာ....... အမှန် ..၊ ”

လျှာရှည် ။ ။ “ မှန်သောစကားပါပဲခင်ဗျာ .. ၊မြန်မာတစ်မျိုးသားလုံး စစ်ကျွန်ဘ၀ကနေ လွတ်မြောက်ဖို့ဆိုတာ၊ မြန်မာအားလုံးရဲ့ဝန်တာ မဟုတ်ပါလားကိုပြောင်ရှည် ..။ ”

ပြောင်ရှည် ။ ။ “ ဟုတ်ကဲ့ကိုလျှာရှည်ခင်ဗျာ ..၊ ဘုန်းဘုန်းတွေကတော့အသက်တွေရင်းနှီးပေးဆပ်လို့၊ တာဝန်ကျေတယ်ဆိုတာထက် တောင်ကျော်လွန်ခဲ့ပါပြီခင်ဗျာ၊ ဘုန်းဘုန်းတို့နဲ့ မျိုးချစ်လူကြီးလူငယ်ကျောင်းသားမှန်သမျှ၊ ရှေးအစဉ်အဆက်ကကြိုးပမ်းလာခဲ့သမျှတွေဟာ အခုထိလည်းမပြီးဆုံးသေးပါဘူး။ ”

လျှာရှည် ။ ။ “ ကိုပြောင်ရှည်နဲ့တစ်ထပ်တည်းပါခင်ဗျာ၊ သမိုင်းပေးတာဝန်ကြီးဆိုတာကတော့၊ မြန်မာလူထုလူတန်းစားတစ်ရပ်လုံးရဲ့ ပခုံးပေါ်မှာရှိနေပါတယ်၊ ကျရာတာဝန်ကို မိမိနိုင်သလောက်အားကြိုးမာန်တက်ဆောင်ရွက်ရမှာပါပဲခင်ဗျာ။ ”

ပြောင်ရှည် ။ ။ “ မှန်လိုက်လေကိုလျှာရှည်ရယ်။ အသိပညာရှင်၊ အတတ်ပညာရှင်၊ စာပေအနုပညာရှင်၊ တပ်မတော်သားအားလုံး၊ အားလုံးရဲ့အသိစိတ်ဓါတ်ရှိရှိနဲ့၊ ညီညွတ်စွာပူးပေါင်းဆောင်ရွက်ရန်ချိန်တန်ပြီဖြစ်ပါကြောင်း၊ ထင်မြင်ယူဆ မိကြောင်းပါခင်ဗျာ ..။ ”

လျှာရှည် ။ ။ “ အင်း ..... မင်းကမိကျောင်းဆိုလို့၊ သတိရမိသေး..၊ ငါ့ကိုလျှာရှည်လို့တဲ့ဗျာ ..၊ လာဆဲသွားလိုက်တာ..၊ လျှာရှည်ချင်လို့၊ လျှာရှည်လို့ မှည့်ပါတယ်ဆိုမှ၊ လျှာရှည်ရကောင်းလားဆိုပြီး၊ လျှာရှည်ပြီးလာဆဲတဲ့ လျှာရှည်ဆိတ်ဗိုလ်တွေကလည်းရှိသေး ... ။ ”

ပြောင်ရှည် ။ ။ “ ဟာ ... ရှုပ်နေတာပဲ ..၊ တစ်ခွန်းပဲပြော ..၊ ဘယ်သူကလာဆဲတာတုန်း၊ ”

လျှာရှည် ။ ။ “ တနေ့ကပေါ့ ..၊ ငါ့ကိုလျှာရှည်ရကောင်းလားဆိုပြီး၊ သူလည်းရှည်တယ်တဲ့၊ အဲဒါငါ့လျှာ .. ရှည်တာနဲ့ ကွက်တိပဲဆိုလို့ ..”

ပြောင်ရှည် ။ ။ “ ဟုတ်သားပဲ..၊ မင်းလျှာရှည်တာ သူ့တစ်ခါတည်းဆွဲလိမ်လိုက်ပါလား ..၊ နှာခေါင်းပြောတာ ..”

လျှာရှည် ။ ။ “ ဟာကွာ ..၊ အရေးထဲ..၊ နောက်တစ်ယောက်ကမေးသေးတယ်၊ ကိုလျှာရှည်တဲ့ ..၊ ကိုလျှာရှည့်လျှာကဘယ်လောက် ရှည်တုန်းတဲ့ ..၊ နောက်တစ်ယောက်ကတခါ..၊ လျှာရှည့်ကို အတိုကောက်ဘယ်လိုခေါ်ရမှာတုန်းတဲ့..၊ လျှာဆိုရင်ယားတယ်တဲ့၊ ရှည်တော့ လည်းသူကလန့်တယ်တဲ့ .. ။ ”

ပြောင်ရှည် ။ ။ “ အေးလေ .. မင်းလျှာဘယ်လောက်ရှည်သလဲ ..၊ ပြောပြလိုက်ပေါ့ကွ..။ ”

လျှာရှည် ။ ။ “ ဟ .. ရှည်တာပေါ့ကွ..၊ ငါတို့တစ်မျိုးလုံးကိုကရှည်တာ၊ မင်း.. ကျော်ဆန်းဂျပု ဘာလို့ပုနေလဲသိလား .. ”

ပြောင်ရှည် ။ ။ “ အင်း .. လုပ်ပါဦး .. ”

လျှာရှည် ။ ။ “ အေး .. စိုးဝင်းကြီးမသေခင်က သူ့ကိုလျှာနဲ့ထု ..၊ ထုချလွန်းလို့ ပုဝင်သွားတာ .. ”

ပြောင်ရှည် ။ ။ “ သြော် ..၊ စိုးဝင်းကြီးလည်းလျှာရှည်မျိုးပါ့ .. ဒါဆို .. ”

လျှာရှည် ။ ။ “ အေး .. ဟုတ်တယ်၊ မင်း .. သူသေမလိုသေမလိုနဲ့ ကြာနေတာ ဘာလို့လဲသိလား .. ”

ပြောင်ရှည် ။ ။ “ သွေးကင်ဆာလို့ပြောကြတယ်လေ ..၊ အဲဒါကဒီလိုပဲလေကွာ ..။ ”

လျှာရှည် ။ ။ “ မဟုတ်ဘူးမောင် ..၊ အမှန်ကသူသေတာ“စလုံး”မှာကတည်းက ..၊ လူကငရဲဇောက်ထိုးဆင်းသွားတာတော့ ကြာပေါ့..၊ လျှာကအပေါ်မှာပဲ ကျန်နေသေးတာ၊ အဲဒါလျှာပါအောက်ရောက်တော့မှ အစိုးရက စိုးဝင်းသေပါပြီလို့ ကြော်ငြာတာ ..။ ”

ပြောင်ရှည် ။ ။ “ ဟင် .. ဘယ်လိုကြီးတုန်း .. ”

လျှာရှည် ။ ။ “ ကျန်သေးတယ်၊ သူ့ထက်ရှည်တဲ့ အရှည်ဆုံးက မောင်သန်းရွှေဗျာ ..။ သူ သူဌေးဖြစ်တာ၊ လျှာရှည်လို့။ ရောက်တဲ့ အရပ်မှာ ... တွေ့တဲ့ဟာကို လျှာလေးနဲ့ပဲ ရှည်ပြီးလုပ်စားသွားတာလေ..၊ ပြီးတော့ရှိသေးတယ် ဘာလဲသိလား ..။ ”

ပြောင်ရှည် ။ ။ “ သိဘူးလေ .. ”

လျှာရှည် ။ ။ “ သူကအရမ်းအလုပ်များတာကွ ..၊အိပ်ချိန်၊ စားချိန်တောင်ရှိတာမဟုတ်ဘူး..။ အဲသလောက်အလုပ်များတဲ့ကြားက သားသမီးတွေအများကြီးမွေးထားတာ၊ အရင်တုန်းကဆို ရှေ့တန်းကမပြန်ရရင်တောင်၊ သူ့လျှာလေးထုတ် ထုတ်ပြီး၊ မိန်းမဆီလှမ်းလှမ်း ပို့ တာလေ၊ အဲဒါနဲ့ .. မကြိုင်လည်း၊ ကလေးဒါဇင်ဝက်လောက်ထွက်ရော ...။ ”

ပြောင်ရှည် ။ ။ “ ဟာကွာ .. (ဖြောင်း ..) ..၊ ဒီမှာအရေးကြီးတာပြောမလို့ကွ ..၊ အဟုတ်မှတ်နားထောင်နေတာ .. ။ ”

လျှာရှည် ။ ။ “ မင်းရော အဲလိုမရှည်ချင်ဘူးလား..။ အရင်တုန်းက သူ့နာမည်က သန်းရှေ ..၊ ရှည်လွန်းလို့ မကြိုင်ကမကြိုက်တာနဲ့ “ရွှေ” ဆိုပြီးပြောင်းခိုင်းလိုက်တာ ..။ ”

ပြောင်ရှည် ။ ။ “ မရှည်အားပါဘူးကွာ ..၊ ခုတလောငါလည်းသိပ်မအားဘူး၊ Thesis လုပ်ရတော့မှာ .. ၊ အဘခြံကထွက်တဲ့အသီးတွေ၊ အပုပ်နဲ့ အကောင်းစစ်ရတဲ့အလုပ်လေ၊ အခု ဆောင်းတွင်းရောက်ပြီမဟုတ်လား..။ ”

လျှာရှည် ။ ။ “ သြော် ..၊ အဲဒါကြောင့် မင်းဇာတ်မရေးနိုင်တော့တာကိုး ..၊ ”

ပြောင်ရှည် ။ ။ “ ဟုတ်ပ..၊ ဇာတ်မရေးလည်း ဘာမှမဖြစ်၊ Thesis မပြီးလည်းဘာမှမဖြစ်၊ ဒို့အဖေက ဗိုလ်ကြီးလေ၊ မီးသတ်ဦးစီးမှာ..။ ဘဏ်မှာအပ်ထားတာက ငွေပေါင်းသိန်းပေါင်း သုံးသောင်းခုနှစ်ထောင်ရှိတယ်၊ ငါမရေးတာ ငါပျင်းလို့၊ ငါလိမ္မာတာ ငါ့မယားဖို့ .. ဖို့ ....။ ”

လျှာရှည် ။ ။ “ ဟုတ်တယ် ..၊ သူ့အဘိုးက .. ပ ရဲအုပ်၊ ချဲဒိုင်ထောင်လို့ ရာထူးကျပြီး၊ ခုတော့ ဒုရဲအုပ်ဘ၀နဲ့ ..၊ ကလပ်မှာဖာထိမ်းနေတာ ... အဟတ် .. ဟတ် ..။ ”

ပြောင်ရှည် ။ ။ “ တော်ပါတော့ မိချောင်းမသားရယ် ..၊ ကဲ .. ကဲ .. လေပွားနေလို့ အနေအထားကတော့မဟန်လောက်ဘူး..။ မင်းသမီးလေး ခေါ်ဦးမှ လျှာရှည်ရေ ... ။ ”

လျှာရှည် ။ ။ “ ဟုတ်ပါပြီတဲ့ ပြောင်ရှည် ...၊ မင်းပဲခေါ်လိုက်ပါ။ ”

ပြောင်ရှည် ။ ။ “ ဟုတ်ကဲ့ ..၊ ပရိတ်သတ်မျှော်လင့်စောင့်စားနေတဲ့ ..၊ မင်းသမီးကို .. ကျွန်တော်ကဒီလိုတိုတိုတုတ်တုတ်ပဲ ခေါ်လိုက် ချင်ပါတယ် ..၊ကိုင်း... မင်းသမီးရေ ထွက်လာဟေ့ .. အလုပ်လုပ်ကြရအောင်..... ။ ”

လျှာရှည် ။ ။ “ (ဖြောင်း ..) .. မင်းသမီးခေါ်ခိုင်းတာလေ..၊ မင်းဟာက .. ဟိုဥစ္စာခေါ်တာကျနေတာပဲ .. ”

ပြောင်ရှည် ။ ။ “ မင်း ..ဘာသိလို့လဲ လျှာရှည်ရ..၊ ငါဇာတ်ထဲမလိုက်ခင် ဆိုက်ကားနင်းစားတုန်းက အဲလိုပဲခေါ်နေကျလေ.. ”

လျှာရှည် ။ ။ “ အင်းလေ ..၊ အဲဒါအငြိမ့်ကရင် .. သွားဖို့ခေါ်တာလေ၊ ခုဟာကဖျော်ဖြေဖို့ ခေါ်ခိုင်းတာ၊ စာသံပေသံ၊ နဘေသံနဲ့ခေါ်မှပေါ့ဟ..၊ ”

ပြောင်ရှည် ။ ။ “ အော .. ဟော် .. ဂလိုလား ..၊ ခေါ်ရတာပေါ့လေ ..၊ လူတကာကြိုက်အောင် .. ဘူတာတ၀ိုက်မှာ..။ လှုပ်ရှားနေတဲ့.. ကျုပ်မယား ကြိုင်ကြိုင်ရှည်ရေ ... ”

လျှာရှည် ။ ။ “ လုပ်ပြန်ပြီ ..၊ နာတော့မယ် ..၊ ပြန်ခေါ် ပြန်ခေါ် ... ”

ပြောင်ရှည် ။ ။ “ အဲ .. အဲ ..မှားလို့ ..၊ ပြောစရာများမှများ၊ တောမှာညားကြတဲ့..၊ သန်းရွှေမယား သောက်စားကြီး ..၊ အိပ်နေလည်း ဒီပုံ၊ လမ်းလျှောက်လည်းမချော၊ မရှိကျက်သရေ၊ မယိုင်မသွေ..၊ ထိုင်နေရင်လည်း မလှ..၊ ကြိုင်ရှေ ဆိုတဲ့ နှမအို ....... ရေ ... ”

ခေါင်းဆောင်မင်းသမီးလျှော ကြိုင်ကြိုင်ရှည် စိတ်ဓါတ်ကျနေတဲ့ မျက်နှာပေးနဲ့ ထွက်လာစေ ....။ (သူတို့ကပြောချင်လွန်းတာကိုး ..)

ကြိုင်ကြိုင်ရှည် ။ ။ “ မင်္ဂလာအပေါင်းနဲ့ပြည့်စုံတော်မူကြပါစရှင်..၊ ကျွန်မတို့ မြန်မာ့အသံက အာဝါးညာဖြီး ...၊ မဟာအရွှီးသတင်းများ ကို.. (အဲလေ .. ယောင်လို့ ..) ..၊ မမှားသောသန်းရွှေ ၊ မသေသော ဘိန်းစား.. အဲ .. (ယောင်ပြန်ပြီ..) မမှားသောရှေ့နေ၊ မသေသော ဆေးသမားလို့မရှိဘူးမဟုတ်လား ကလေးတို့ရယ် ... ”

ပြောင်ရှည် ။ ။ “ မှန်တာပေါ့အမေရယ် ဦးခွန်ဆာကြီးတောင်သေသွားပြီလေ ...၊ သန်းရွှေကတော့ မှားဦးမလား၊ မမှားဦးမလားမသိဘူး၊ ဒိုင်ယာလော့ စ တော့မယ်တဲ့ ”

လျှာရှည် ။ ။ “ ဟုတ်လား ..၊ ဒိုင်ယာလော့မှာလား၊ ပြိုင်ကာမော့နေကြလားတော့ မသိ၊ (ခွက်ပုန်းပြောတာ ..) ”

ပြောင်ရှည် ။ ။ “ ဟုတ်တယ်၊ အခု ဦးအောင်ကြည်ကို ..၊ စားပွဲနဲ့ ကုလားထိုင်တွေ ဖုန်သုတ်ခိုင်းထားတယ်တဲ့၊ လိုအပ်ရင် ပရိဘောဂ အသစ်တွေ ၀ယ်ထည့်ရင်ဝယ်ထည့်ဦးမယ်လို့ ဦးသန်းရွှေကပြောတာပဲ ..၊ ဒိုင်ယာလော့ အတွက်ပါ ..။ ”

လျှာရှည် ။ ။ “ ရောင်နီမြင်နေရပြီပေါ့လေ ..၊ အော် ... (ဖြောင်း... ) လူကြီးကအကောင်းပြောနေတာကို .. ”

ပြောင်ရှည် ။ ။ “ ငါ .. ဘာပြောလို့လဲ ...၊ အခုပီညဲရိုးလည်း၊ ရောက်ရောက်ချင်း အာရှတော်ဝင်ဆေးရုံရောက်သွားသတဲ့..။ ”

လျှာရှည် ။ ။ “ ဟောဗျာ .. ၊ ဘယ်လိုဖြစ်ရတာတဲ့တုန်း .. ခရီးပမ်းလာလို့ထင်ပါ့ ..။ ”

ပြောင်ရှည် ။ ။ “ မဟုတ်ဘူး..၊ ဆေးရုံမှာ သွားမေးတာလေ၊ မျက်စိရော၊ နားရော၊ တစ်ခါတည်းပြင်နိုင်တဲ့ ဆရာဝန်ရှိလားလို့သွားမေးတာ၊ သူ့မျက်စိနဲ့၊ နားနဲ့ တစ်ခါတည်းပြင်ချင်လို့တဲ့ ...၊ အဲဒါဆေးရုံကပြန်ပြောတယ်တဲ့..၊ ဒို့ဆီမှာ အဲလိုဆရာဝန်မရှိဘူး..၊ ဘာဖြစ်လို့လဲပေါ့ ..။ ”

လျှာရှည် ။ ။ “ ပေါက်ကရတွေကွာ ..။ ”

ပြောင်ရှည် ။ ။ “ အဟုတ်ပြောတာ ..၊ ပီညဲရိုးကပြန်ပြောတယ်၊ န-အ-ဖ ပြောတာနဲ့ ပြတာတွေက သူသိထား၊ ကြားထားတာနဲ့တလွဲစီဖြစ်နေလို့ သူ့နားနဲ့ မျက်စိကို အရင်ပြင်မှ ရမတဲ့ ..၊ ဆရာဝန်မရနိုင်ဘူးဆိုရင်တော့ လေယာဉ်ပေါ်တက် ချက်ချင်းလှည့်ပြန်မယ်ဆိုပဲ ..။ ”

လျှာရှည် ။ ။ “ အော် ... (ဖြောင်း ..) တော်တော်လျှာရှည်တဲ့ ကောင်ပဲ ... ။ ”

ကြိုင်ကြိုင်ရှည် ။ ။ “ ကဲပါကလေးတို့ရေ ..၊ သံသရာဒီစက်ဝန်းမှာ .. အဖန်တရာဒီလိုဇာတ်မြောနေရင်ဖြင့် အမှန်ဆိုတာလည်း မြင်တတ်မှာမဟုတ်ဘူးလေ အမှန်မြင်မှလည်း အလင်းဆိုတာကပေါ်မှာကိုး ... ”

လျှာရှည် ။ ။ “ အလင်းပေါ်ဖို့ကလည်း မီးစက်ကပုံမှန်မောင်းနိုင်အုံးမှကိုး .. ဗျ ..။ ”

ကြိုင်ကြိုင်ရှည် ။ ။ “ ထောင်တန်တဲ့စကား“ရယ်” ပေါ့ .. ဆိုသလိုဖြစ်နေပါ့မယ်ကွယ် ... ”

ပြောင်ရှည် ။ ။ “ ပျော်စေလို့ပြက်တာ ကလက်တယ်လို့မထင်ပါနဲ့ဗျာ ..၊ လူတိုင်းကိုပျော်စေချင်တာပါ။ ကျွန်တော်တို့ လူရွှင်တော် တွေဆိုတာကလည်းအမြင်မတော်တာတွေ့ရင် ..၊ ပါးစပ်ကခွေးလှေးယားသီးထိထားလားအောက်မေ့ရတယ် ပြောချင်နေရော ... ။ ”

လျှာရှည် ။ ။ “ ဟုတ်ပ ..၊ ဒါကလည်းရှေးကတည်းကဒီလိုပဲ ပြက်ကြတာပဲလေ..။ ဟော .. ဒို့ငယ်ငယ်တုံးက ... က ... ”

ပြောင်ရှည် ။ ။ “ယောင်ပေစူးကလေးတွေနဲ့ကွယ် ...၊ ပုဆိုးကိုလည်မှာသိုင်း ဂွင်းလုံးကျွတ်တယ် ..။ ”

လျှာရှည် ။ ။ “ (ဖြောင်း .. ) ငါအကောင်းပြောမှာ ..၊ ရှေးတုန်းက ဘယ်ဘုရင်ကြီးလက်ထက်ကပေါ့ .. ။ ”

ပြောင်ရှည် ။ ။ “ မင်းနဲ့ကျမှ ဘယ်ဘုရင်ကြီးလို့ကြားဖူးတော့တယ် .. ။ ”

လျှာရှည် ။ ။ “ ငါလည်းမမှတ်မိတော့ဘူး..၊ ဘုရင်တွေကခပ်များများဆိုတော့ ဘယ်သူ့ကိုဆရာခေါ်ရမှန်းမသိဘူး။ .. ကဲ ... ထားလိုက်ပါ။ အဲ .. သူ့လက်ထက်မှာ မင်းမှုထမ်းတွေကို ရှိလားမသိမရှိလားမသိ ။ မမေးပဲ ..၊ အတင်းပဲ ဘုန်းကြီးကျောင်းတွေကို ဆွမ်းချိုင့်လှူခိုင်းတယ်။ ဘုရင့်အမိန့်ဆိုတော့လည်း မရ ရအောင် အလှည့်ကျ လှူကြရတာပေါ့..၊ ဘုန်းကြီးတွေလဲမတတ်သာလို့ ဘုန်းပေးနေရတယ် .. တယ်ဒုက္ခရောက်ပေါ့ ..။ အဲ .. လူရွှင်တော်ကြီးများက ဘုရင်ကို ဘယ်လိုနားချရကောင်းမလဲလို့ စဉ်းစားပြီး ..ပျက်လုံးထုတ်တာပေ့ါကွာ ... ။ ”

ပြောင်ရှည် ။ ။ “ အင်း .. ဆက်စမ်းပါဦး ..။ ”

လျှာရှည် ။ ။ “ ဒီလိုကွ .. ရွာတစ်ရွာမှာ ဘီလူးကြီးတကောင် .. တယ်သောင်းကျန်းဆိုပဲ .. ။ ”

ပြောင်ရှည် ။ ။ “ မင်းပြောမှာ အကြည်တော်ရဲ့ဘီလူးလား .. ”

လျှာရှည် ။ ။ “ လူသားစားဘီလူးကွ ..၊ အဲဒါနဲ့ လာသမျှလူတွေကို ဖမ်းစားတာ နောက်ဆုံး လူတစ်ယောက်ကို ဘီလူးက စားမယ် လုပ်ရော အဲဒီလူက ဆွမ်းချိုင့်ကြီးထုတ်ပြီး ငါသေရင် မင်းဒီဆွမ်းချိုင့်တာဝန်ယူရမယ်လည်းဆိုရော..၊ ဘီလူးကြီးခမျာ ဖနှောင့်နဲ့ တင်ပါး တသားဖြစ်အောင်ပြေးလေရောကွာ..၊ အဲဒီမှာ ဘုရင်ကြီးလည်းဆွမ်းချိုင့်ကို အဏာသုံးပြီးမပို့ခိုင်းတော့ဘူးတဲ့ ...။ ကိုင်း..... ဘယ်လောက် ကောင်းလဲ..၊ အဲဒီဘီလူးအဖြစ်လေးကိုနာမူနာယူသင့်တယ် ..။ ”

ပြောင်ရှည် ။ ။ “ ဒါဆိုဒို့ရဲ့ .. လက်ရှိ ဘာညာကြီးကိုလည်း ဒီလိုလေးများပြောရင်မကောင်းဘူးလား .. ”

လျှာရှည် ။ ။ “ ဘာပြောမှာလဲ .. ”

ပြောင်ရှည် ။ ။ “ ဘီလူးကား များများကြည့်လို့ ..”

လျှာရှည် ။ ။ “ အင်း ... အသက်ကလေးရတုန်း(ဖြောင်း .. ) အကောင်းကိုမပြောဘူး .. ”

ပြောင်ရှည် ။ ။ “ မင်းပဲဘီလူးဆို .. ”

ကြိုင်ကြိုင်ရှည် ။ ။ “ ကဲ .. ကဲ ..၊ တော်ကြပါတော့ ..၊ ပရိတ်သတ်ကို အမေက သီချင်လေးတစ်ပုဒ်နဲ့ ဖျော်ဖြေချင်လို့ပါရှင် .. ။ ”

လျှာရှည် ။ ။ “ ဟုတ်ကဲ့ ..၊ ကြားပါရစေ .. မာမီကြိုင် .. ”

ကြိုင်ကြိုင်ရှည် သီချင်းစဆို

“ မောင့်ကိုပြောမယ် ..၊ အနော်ရထာ သာသနာတည်ခဲ့လေတယ် ..၊
မင်းကျန်စစ်နှလုံးသားနဲ့ ပြည်မြန်မာအောင်ပွဲဝင်ခဲ့တယ် ..၊
ရှေးရာဇာဝင်အဆက်ဝယ် တေးကဗျာသီခဲ့တယ် ..၊
မဟုတ်မခံအမျိုးမှန် အော်သစ္စာအဓိဌာန်
ကျူးကျော်မှန်သမျှတွန်းလှန်ကာပြ .. ဟေ့ ... ဇာတိသွေးရဲရဲနီခဲ့တယ်..၊

ပုဂံမှသည်အင်းဝဆီ.. မြင်းစိုင်ကုန်းဘောင် ရဲမာန်ဟုတ်ချီ ..
တစ်သွေးတည်းညီ တစ်သားတည်းညီ ဘုရင့်နောင် အလောင်းဘုရား ..
တိုင်းနိုင်ငံတော်တည် မြန်မာဟေ့လို့ဝင့်ကြွားနိုင်ခဲ့ပြီ ..

ခေတ်တွေအလီလီ ဆက်ခံကာသည် .. တစ်ချိန်သောခေတ်သမိုင်း .. ရိုင်း…ခဲ့ပြီ
ထီကျိုးစည်ပေါက် သူ့ကျွန်ဘ၀ရောက်ခဲ့ပြီ ..။

လူရွှင်တော်များ ။ ။ “ အာဇာနည် မြန်မာမျိုးဟေ့တိမ်ကောရိုးထုံးစံမရှိပြီ ... ၊
အာဇာနည်ဗိုလ်အောင်ဆန်း လွတ်လပ်ရေးကိုရယူခဲ့သည်။ .. ”

ကြိုင်ကြိုင်ရှည် ။ ။ “ လွတ်လပ်ပါပြီ တို့ရဲ့တိုင်းပြည် .. သို့ပင်သော်ငြား အဏာရှင်စရိုက်ဆိုး အုပ်စိုးခဲ့ပြန်တော့သည် .. ။ ”

(နားပါဦးမည်။ လျှာရှည်၊ပြောင်ရှည် အသီးတွေစစ်ရဦးမှာမို့ပါ။ ဒီအချိန်လုပ်ထားမှလေ၊ နိုမို့ ဈေးကွက်ထဲအရောက်နောက်ကျနေမှာပေါ့။)

(ကိုပြောင်ရှည်ရေးသားတင်ဆက်သည်)