ပြောချင်လွန်းလို့ (၁၀)

တကယ်ပါ၊ လက်ရှိဘ၀ကို ကျုပ်စိတ်ကုန်နေတာကြာပြီ၊ ဟာ.. စိတ်ကုန်တယ်ပြောရလောက်အောင် ဘာတွေဘယ်လိုဖြစ်နေလို့တုန်းဗျ..၊ မမေးနဲ့ဗျ။ ခင်ဗျားကကျုပ်ကိုမေးလို့ ပြောပြတာပါ။ ခင်ဗျား အလုပ်အတူတူ တွဲလုပ်ချင်တယ်ဆိုတော့ ဘယ်လို လုပ်ချင်တာတုန်း။ ခင်ဗျားတော့မသိဘူး ကျွန်တော်ကတော့ ကိုယ်နှစ်သက်လို့ ကိုယ်တိုင်ရွေးချယ်ပြီးသားဘ၀မှာ၊ လက်ရှိရောက်နေတဲ့ အခြေအနေမှာ အလယ် အလတ်လမ်းစဉ်ကိုပဲ ကျင့်သုံးနေရတယ်ဗျာ။ ဒါတောင်မှ ကျုပ်အတွက် အရမ်းအန္တရာယ်ကြီးလှပါတယ်။ ခင်ဗျားလည်း အသိဆုံးပါ။

ဟုတ်တယ်လေ၊ ကျုပ်ကစစ်သားပါ။ ဒါပေမယ့် ခင်ဗျားတလောကကြားဖူးခဲ့တဲ့ (ငါတို့ကစစ်သားမှာမှ ဘာစစ်ဗိုလ်၊ ညာစစ်ဗိုလ်ဆိုတဲ့) အ တွေးမျိုးနဲ့ပြောပြတာမဟုတ်ဘူး။ ကိုယ့်ကိုကိုယ် ပြည်သူဘက်ကရပ်တည်မဲ့ အမှန်အကန်စစ်သားဘ၀ကို ကျုပ်ရူးခဲ့လို့၊ ခုံမင်မြတ်နိုးခဲ့လို့၊ ကျုပ်ကိုယ်တိုင်ရွေးချယ်ခဲ့တဲ့ ပြည်သူ့စစ်သားပါဗျာ။ အင်း.. ခင်ဗျားတို့ကတော့ ထင်ကြမှာပဲ။ ဒီခေတ်ကြီးမှာ ဒီလိုစစ်သားရှိသေးသတဲ့ လားပေါ့။ ထင်လည်း ထင်လောက်စရာကိုး။ ကျုပ်မငြင်းလိုပါဘူး။ အခြေအနေကလည်း၊ ဒီအတိုင်းဖြစ်နေတာဆိုတော့..။

ဒါပေမယ့် တစ်ခုပြောပါရစေဗျာ။ မနှိုင်းကောင်းလို့တော့ မပြောပါနဲ့ မိတ်ဆွေရယ်။ ကျုပ်လေးစား မြတ်နိုးတဲ့ ဗိုလ်ချုပ်အောင်ဆန်းရဲ့ ခြေ
ဖ၀ါး အစုံဟာ ကျုပ်ဦးခေါင်းအထက် မိုင်းပေါင်းသန်းချီမှာ ရှိနေနိုင်မှာ ဖြစ်ပေမယ့်၊ ကျုပ်ဝိဥာဉ်ကတော့ ဗိုလ်ချုပ်ကိုအမြဲတမ်း ကိုးကွယ်ခဲ့ တာပါ။ ခုလည်းကိုးကွယ်ဆဲပဲ။ ခင်ဗျားတို့ မယုံလည်း၊ အဓိကကတော့ ကျုပ်ကိုယ်တိုင် ယုံကြည်နေဖို့ပဲ မဟုတ်လားဗျ။ ကိုယ့်လိပ်ပြာ ကိုယ်သိရင် နေရထိုင်ရ သက်သာပါတယ်ဗျာ။ သေသွားလည်း လွတ်ရာကျွတ်ရပဲဗျ။

ဗျာ..၊ ပြောရရင်ပြောပြပါ..၊ ဟုတ်လား..။ ပြောချင်တာပေါ့ဗျာ။ ကျုပ်တို့ဘ၀မှာ အဲလိုမျိုးပြောခွင့်မရှိခဲ့တာကြာပေါ့။ ဟုတ်တယ်။ ကျုပ်ပြော ချင်တယ်၊ ခင်ဗျားနားထောင်ပေးမလား၊ အင်း..၊ အရှင်းဆုံးပြောရရင်တော့ ..၊ ဟုတ်တယ် .. ကျုပ်လက်ရှိ ဘ၀ကိုစိတ်ကုန်တယ်။ ဒါပါပဲ။

ဘာလို့ .. ဟုတ်လား..၊ အင်း .. ဘယ်ကစပြောပြရမှန်းမသိဘူး။ ဒီမှာမိတ်ဆွေ.. ကျုပ်တို့တပ်မှာ ကိုယ့်ဘ၀ကိုယ်အမှန်မမြင် တဲ့လူတွေတ ပုံကြီး၊ ၀ိုင်းလိမ်နေကြတာ။ ဒါနဲ့နေပါဦး ခင်ဗျားအမြင်လေးလည်းပြောပါဦး။

သြော် .. ခင်ဗျားက .. စစ်တပ်ကိုမမုန်းဘူးတဲ့လား၊ စစ်တပ်သာအကောင်းတစ်ခုခုလုပ်ပြ .. ဒါဆိုရင် ဘယ်လို ..၊ ခင်ဗျားတို့က ထောက် ခံပြီးသားပေါ့ .၊ အင်း..ကျုပ်နားလည်ပါပြီ။ မှန်တာပဲလေ.. ဘာကြောင့်ဖြစ်ဖြစ်၊ ဘယ်သူမင်းလုပ်လုပ်..၊ အဓိကပြည်သူတွေ ကောင်းစား ဖို့ပဲဆိုပါတော့ ..၊ ဟုတ်ကဲ့ဗျာ ..။ ခင်ဗျားနဲ့ ကျွန်တော် အမြင်ချင်းနီးစပ်တယ်၊ ဆက်ပြောလို့ရတယ်ဗျ။ အိုကေဗျာ .. ကျွန်တော်တစ်ခု ပြောမယ်။ အချိန်ရရင်တော့ နားထောင်ပေးပါ။ ဒါတွေကဗျာ..၊ ကျုပ်ခုပြောမဲ့စကားတွေက ခင်ဗျားတို့နားလည်ပြီးသား၊ သိပြီးသားဖြစ် ပေမယ့်၊ တပ်ထဲမှာပြောမိရင် ကျုပ်လည်ပင်းတော့ .. အင်း .ခင်ဗျားသိပါတယ်။

အမှန်ဆိုရင်တပ်ဟာတပ်နေရာမှပဲရှိသင့်တယ်။ ခုတော့ မဟုတ်တာတွေလေ၊ မြန်မာပြည်မှာ ဘယ်လောက်ကြာခဲ့ပြီလဲ၊ ခုလိုဖြစ်နေတာ တွေ၊ ဦးနေ၀င်းလက်ထက်ကတည်းက စခဲ့တယ်လို့ ကျုပ်ဥာဏ်မီသလောက် တွေးမိတယ်။ လူတစ်စုပဲကောင်း စားခဲ့တာလေ။ အစိုးရ ရော အတိုက်ခံရော ပြည်သူအတွက် တကယ်မကြည့်ဘူးလို့ ထင်တယ်ဗျ။ ပြောပြီးပြီ၊ ကျုပ်စစ်သားပါဗျာ။ ဘာစနစ်တွေ၊ ညာစနစ်တွေ ကောင်းတယ်၊ဆိုးတယ် ဆိုတာထက် ပြည်သူဘက်ကပဲ ခံစားပြီးတွေးမိတာပါ။ ပြည်သူတွေ အကျင့်စာရိတ္တပျက်စီးအောင်လည်း အစိုးရ ကိုယ်တိုင်ပဲဖျက်ခဲ့တာဗျ။ ကျုပ်ပြည်သူကိုကိုးကွယ်တယ်။ ပြည်သူသာလျှင်အမြဲ ထာဝရမှန်တယ်လို့ ယုံကြည်တယ်။ မငတ် ငတ်အောင်၊ မပျက် ပျက်အောင် အစိုးရက တမင်ကိုလုပ်နေတာဗျ သိလား။

တပ်မှာ လက်အောက်ငယ်သားကို စာနာတဲ့ စစ်သားပီသတဲ့ လူတွေမရှိတော့ဘူး လစ်ကုန်ပြီ။ အောက်ခြေကစပြီး အဆင့် အဆင့်လိမ်နေ ညာနေကြတာ၊ အထက်ကို အမှန်အတိုင်းမတင်ပြရဲကြဘူး။ အပေါ်ကလူတွေကလည်း အဲလိုဖြစ်အောင်ကို တမင် လုပ်ထားတယ်ဗျာ အဲဒီ တော့ ဇာတ်လမ်းကပြီးရော။

မိတ်ဆွေရ .. ခင်ဗျား ခုလိုရေးနေတာမဆိုးဘူး..။ ဒါပေမယ့် ကျုပ်တစ်ခုပြောချင်တယ်။ ဒီမှာလည်း တော်တော်လှုပ်လှုပ်ရှားရှား ဖြစ်သွား တယ်။ အခုရုရှားမှာ ကိုယ့်ကိုကိုယ် စစ်ဗိုလ် ဆိုပြီး သွေးနားထင်ရောက်နေတဲ့ လူတွေရှိတယ်။ အဲဒီလူတွေက အထက်ကလူကြီးတွေ လုပ်တာကို အားကျပြီး တစ်နေ့ အဲဒီနေရာရောက်ရင် အဲဒီလိုလုပ်မယ်ဆိုတဲ့ ကောင်တွေ။ နောက်တစ်မျိုးက ကျုပ်တို့လို လူမျိုးတွေ..။

ဟုတ်ကဲ့ဗျာ ..၊ ခုလိုနားလည်ပေးတာကျေးဇူးပါ။ စစ်သားဆိုတော့ ခင်ဗျားတို့လို စကားတန်ဆာဆင်မပြောတတ်တာတော့ ခွင့်လွှတ်ပါ။ ကျုပ်မှာနူးညံ့တာဆိုလို့ ပြည်သူကိုချစ်တာတစ်ခုပဲရှိတယ်။

ဆက်ပြောပါရစေ။ တကယ်တော့ လက်ရှိအစိုးရက မြောက်ကိုရီးယားလိုလုပ်မှာ။ ဘယ်တော့မှ ဆင်းမပေးဘူး။ ဘာကောင်းသလဲသိလား။ သူတို့ကကျုပ်တို့ကို ရုရှားလွှတ်လိုက်တာ ရော့ကက်တွေ၊ နူးကလီးယားလက်နက်တွေ ထုတ်နိုင်ဖို့ထင်နေတာ .. ဟား ဟား .. ။ ရုရှားနဲ့ တရုတ်ကလည်း မြန်မာကိုအရမ်းချစ်လို့တော့ မဟုတ်ဘူးဗျ။ ခင်ဗျားတို့လည်းသိမှာပါ။ သူတို့အကျိုးတစ်ခုတည်းပဲ စဉ်းစားကြတာလေ ဗျာ။

အဲဒီကြားထဲမှာမှ ကျုပ်တို့တတွေက အချုပ်ခန်းထဲမှာ ကြိုးတုပ်ခံထားရတဲ့လူတွေပါဗျာ။ ကျုပ်တို့မှာ အခွင့်အရေးဆိုတာမရှိဘူး။ တပ် အမိန့်ဆိုရင်လက်ခံရမယ်။ ဒါပေမယ့်တရားတဲ့ အမိန့်ဖြစ်ရမယ်။ အခုဖြစ်ခဲ့တဲ့ ကိစ္စမှာတပ်ဟာ တော်တော်နာမည် ပျက်သွားပြီ။ စိတ်မ ကောင်းဘူး။ တော်တော်ကိုပေါ့။ လက်ရှိအစိုးရက အာဏာတည်မြဲဖို့ဆိုရင် ဘာမဆိုလုပ်ရဲတယ်။ နောက် NLD ကလည်းမနပ်ဘူးဗျ။ ခင်ဗျား ကြားဖူးလား (FFF) ဆိုတာ…။

သြော်.. မကြားဖူးဘူး..။ ဒီလိုဗျ။ (FFF) ဆိုတာ .. Follow, Friend, Fight ကိုဆိုလိုတာပါ။ ဆိုလိုတာက ခင်ဗျားသွားမဲ့လမ်းမှာ လူတစ် ယောက်က Block လုပ်ထားမယ်။ ဘယ်လိုမှ ရှေ့ဆက်သွားလို့မရဘူး။ သွားရမဲ့လမ်းကသူနဲ့ တူတယ်။ သူ့ကို Pass ပေးလို့မဖြစ်နိုင်ဘူး။ အဲဒီတော့ လက်ရှိအခြေအနေမှာ ကိုယ်ကသူ့နောက်လိုက်လိုက်။ အဲဒါ Follow ပေါ့။

နောက်တစ်ခုက ခင်ဗျားသွားရမဲ့လမ်းမှာပဲ လူတစ်ယောက်က ရှိနေတယ်။ Power ချင်းလဲတူတယ်။ သူ့ကိုသွားလုပ်ရင် ကိုယ်ရော သူပါခံ ရမယ်။ နှစ်ယောက်ပေါင်းလိုက်ရင် အကျိုးတစ်ခုဖြစ်မယ်။ Friend လုပ်လိုက်ပါ။

Fight , ခင်ဗျားသွားရမဲ့လမ်းမှာ အဲဒီလူပဲ Block လုပ်ထားတယ်။ ခင်ဗျားထက်အင်အားကြီးတယ်။ အပြတ် Fight ပစ်လိုက် တော့။ နလံ မထူအောင်..၊ ဟုတ်ပြီ.. အဲဒါကိုသဘောမပေါက်ပဲ ပုဂ္ဂိုလ်ရေးခံစားမှုတွေကိုရှေ့တန်း တင်နေသမျှတော့ မြန်မာ လူထုက ပိုဆိုးသွား လိမ့်မယ်။

အင်း .. ဟုတ်တယ်။ ခင်ဗျားပြန်မေးသလိုပဲ၊ ခုအခြေအနေက Fight တဲ့အဆင့်ရောက်နေပြီ။ တပ်ကခင်ဗျားတို့ကို Fight မဲ့ အဆင့် ရောက်နေပြီ။ ကျုပ်တို့လိုနယ်ရုပ်လေးတွေကို ထိုးကျွေးထားတာပေါ့ဗျာ သဘောပေါက်တော့။ ဟုတ်ကဲ့..ရပါတယ်ဗျာ။ ကျေးဇူးမတင်ပါနဲ့။ အခြေအနေကို ကျုပ်သဘောပေါက်သလောက် ပြောပြတာပါ။ ခင်ဗျားဒါတွေကို စာရေးမယ်ဆိုလည်း ရေးလို့ရပါတယ်။ ခင်ဗျားနဲ့ ကျွန် တော်က လျှောက်နေတဲ့ လမ်းချင်းမတူဘူး။ ကျုပ်ပြောချင်တယ်။ ကျုပ်မှာ မိသားစုရှိတယ်။ မိဘပေါ့ဗျာ။

တကယ်တမ်းမှာ ကမ္ဘာကြီးကို ကြည့်လိုက်ဗျာ။ U.S.A ရဲ့သြဇာအောက် ရောက်နေတဲ့ နိုင်ငံတွေနဲ့၊ ရုရှားနဲ့တရုတ်အောက် ရောက်နေတဲ့ နိုင်ငံတွေ ဘယ်ကပိုသာလဲ။ မြန်မာပြည်မှာ အုပ်ချုပ်သူနဲ့ အုပ်ချုပ်ခံလူတန်းစားတွေပဲရှိတယ်။ ရှင်းရှင်းပြောရရင်ကျွန်နဲ့သခင်ပေါ့။ နောက် အစိုးရထဲမှာကိုပဲ လူလူချင်းခွဲခြားပြီးအလုပ်လုပ်ခိုင်းထားတယ်။ လူနှစ်ယောက်ရှိမယ်ဗျာ။ တစ်ယေက်ကိုပြောမယ်၊ မင်းကအရမ်း တော် တယ်။ နောက်တစ်ယောက်ကိုပြောမယ်။ မင်းကအသုံးကိုမကျဘူး။ တစ်ယောက်ကို မြှောက်ပေးပြီး နောက်တစ်ယောက်ကို နှိပ်ကွပ် မယ်။ ရှင်းရှင်းလေးရယ်။ လူလူချင်း အုပ်ချုပ်ခိုင်းထားတာ။ စဉ်းစားကြည့်၊ ဦးသန်းရွှေဆိုတဲ့ လူကြီးကဘယ်တော့မှ မဆင်းဘူး။ သေခါနီး လို့ စကားမပြောနိုင်ဘူး။ အိပ်ယာထဲလဲနေမယ်။ ဒါပေမယ့် ကြားနိုင်သေးတယ်ဆိုရင် .. လက်အောက်ငယ်သား ဗိုလ်ချုပ် တစ်ယောက်က ဗျာ၊ .. အခု စီမံကိန်းတစ်ခုလုပ်ပါမယ်..၊ အဲဒါကိုဖတ်ပြပါ့မယ်။ ဗိုလ်ချုပ်မှူးကြီးကသဘောတူရင် ခေါင်းညိတ်နိုင်ရင် ခေါင်းညိတ်ပါ။ လက် ညှိုးထောင်နိုင်ရင် လက်ညှိုးထောင်ပြီး သဘောတူ မတူ ဆိုတာကို ဆုံးဖြတ်ပေးပါလို့ဆိုတယ် အထိနေဦးမှာ။ ကျုပ်ပြောတာတွေကို ခင် ဗျားသဘောပေါက်လား။

အင်း.. ကျုပ်ကျေးဇူးတင်ပါတယ်ဗျာ။ ကျုပ်ပြောချင်တာလေးတွေ ခင်ဗျား နားလည်သဘောပေါက်လို့။ အခုရုရှားမှာ အရာရှိ (၁၀၀၀) မှာ (၁၀) ယောက်မရှိပါဘူး၊ စာလုပ်တာ။ ဘာကောင်းလဲ။ အင်း.. ဟုတ်တယ် ခင်ဗျားပြောသလိုပဲဗျ။ တစ်ခုခုတော့ လွဲနေပြီ။ စီးပွားရေးက အဆင့်အတန်းမှီအောင်မလုပ်နိုင်ဘူး။ ကျုပ်တို့အနေနဲ့ကလည်း စိတ်ထွက်ပေါက်မရှိဘူး။ ရုရှားလူမျိုး ဆိုတာတွေကလည်း အရမ်းရိုင်း တယ်။ လူမျိုးကြီးဝါဒ။ ရုရှားသာ ဒိထက်ပိုအင်အားကြီးလာရင် ပိုဆိုးပြီ။ စကားက ဟိုရောက် ဒီရောက်လို့တော့ မထင်ပါနဲ့ဗျာ။ အခု ကျုပ် တို့ဆီမှာ မေဂျာပေါင်းစုံမှာ စာသင်နေကြတယ်။ မေဂျာတစ်ခုမှာ အားထည့် ကြိုးစားတဲ့လူတစ်ယောက်နှစ်ယောက်ပါပဲ။ ကျန်တဲ့လူတွေက အဲဒီတစ်ယောက်နှစ်ယောက်လောက်ကိုပဲ မှီခိုပြီးနေကြတာ။

ပြီးတော့ ကျုပ်တို့ Passport မှာ Good travel to Russian Federation only တဲ့ အဲဒါကြီးနဲ့ဗျ။ ပြောပြတာပါ။ အဲဒါကိုမှ ကိုယ့် အခြေ အနေ ကိုယ်သဘောမပေါက်ပဲနဲ့ ကိုယ့်ကိုကိုယ် ဟုတ်လှပြီဆိုတဲ့ကောင်တွေ၊ အသုံးမကျတဲ့ကောင်တွေရှိတယ်။ “စာ” ဆိုတာဘာလဲလို့ ပြန်မေးရတဲ့ ကောင်တွေက လျှောက်ပြောနေတာ။ မှန်တာတစ်ခုကို လက်ခံနိုင်ရမယ်။

ဒါပေမယ့်ဗျာ။ ရုရှားကို လူကြီးတွေလာတယ်။ အဲဒီကောင်တွေကိုက ဖားယားပြီး လူကြီးတွေအနားမှာ လုပ်ပေးကိုင်ပေးတယ်။ အမှန်ကို တော့မပြောပြဘူး။ မတင်ပြကြဘူး။ လူကြီးပြန်သွားရင်မုန့်ဖိုးပေးသွားတယ်။ ယူတယ်။ အဲလိုမျိုးတွေလည်းရှိတယ်ဗျ။ လက်ရှိတပ်မှာ ရဲဘော်ဆိုတာက အားကိုးမရတော့ဘူး။ တစ်နှစ်ကို စစ်ဗိုလ် (၁၀၀၀၀) လောက် စစ်ကျောင်းတွေကနေ ဆင်းတယ်။ ဒါပေမယ့် စစ်သား ဆိုတာက လမ်းပေါ်မှာ တောင်းစားနေတဲ့ သူတောင်းစား၊ သူခိုးဂျပိုးတွေကိုဆွဲပြီး စစ်တပ်ထဲ ကိုထည့်ထားတာ။ ဘယ်မှာအရည်အချင်းရှိ မှာလဲ။

အင်း .. ကျုပ်ပြောနေတာကအားလုံးကိုကောင်းစေချင်တဲ့ ဆန္ဒပါ။ ခင်ဗျား ရေးမယ်ဆိုလည်းရေးနိုင်ပါတယ်။ ပြီးခဲ့တဲ့ ပစ်ခတ်တဲ့ကိစ္စ မှာ “၀” တပ်ကကောင်တွေ မပါနိုင်ဘူးလား။ ကျုပ်ပြောပြမယ်။ ကျုပ်တိုက်ပွဲတွေလည်း တိုက်ခဲ့ဖူးပါတယ်။ ပြည်သူကိုပြန်ပြီးကျေးဇူး ဆပ် ချင်တာရယ်ပါ။ ဟုတ်ကဲ့ပါဗျာ..၊ ခင်ဗျား ယုံတယ်ဆိုလို့ ကျွန်တော်ဝမ်းသာပါတယ်။ ကျုပ်အခုဖြစ်နေတာက မြန်မာပြည်သူလူထုကို သ နားနေတာ။

နောက်တစ်ခု ကျုပ်ပြောချင်တယ်။ မြန်မာလူထုက ပုဂ္ဂိုလ်စွဲအရမ်းကြီးတယ်သိလား။ ဒေါ်အောင်ဆန်းစုကြည်မှ တိုင်းပြည် တိုးတက် အောင် လုပ်နိုင်တာမဟုတ်ဘူး။ ကျုပ် ပုတ်ခပ်ပြီး ပြောတာမဟုတ်ပါဘူး။ လေးစားပါတယ် အဲဒီအမျိုးသမီးကို။ ကျုပ်တို့နိုင်ငံမှာ လူတန်း စားအားလုံးအတွက် လက်ရှိအခြေအနေကနေ လွတ်မြောက်အောင် လုပ်ပေးနိုင်တဲ့ လူတွေလိုနေတယ်။

အေးပေါ့ဗျာ။ ကျုပ်သိတော့ သိတယ်ဗျ။ ကျုပ်တို့ တတ်နိုင်တဲ့ဘက်က လုပ်တော့လုပ်ရမှာပဲ။ မတတ်နိုင်ဘူးလေ။ ပြီးခဲ့တဲ့ စက်တင်ဘာလ တုန်းက ဖြစ်ခဲ့တဲ့ ကိစ္စ။ အဲဒီနေရာမှာ ကျုပ်ဆိုရင် ကိုယ့်ကိုကိုယ် သတ်သေပစ်လိုက်မယ်။ အဲဒါတော့အမှန်ပဲ။ ကျုပ်ခံစားမိတာက ရှင်းရှင်း လေး။ ဒီလူထုထဲမှာ သူတို့ရဲ့ ဆွေမျိုးညီအစ်ကို မောင်နှမတွေပါရင် လုပ်မလား။ ကိုယ်ချင်းစာစိတ် မရှိဘူးဗျာ။ ကိုယ့်နေရာချောင်လည်ဖို့ပဲ စဉ်းစားကြတယ်ဗျာ။ နောက်.. အစိုးရကလည်း အဲဒီလိုနေရာမျိုးမှာ တာဝန်ကျတဲ့ ကောင်တွေကို တစ်ခုခု Force ပေးထားပုံရတယ်။ ပယောဂတော့မကင်းဘူးဗျ။ ဒေါ်အောင်ဆန်းစုကြည်ကို မုံရွာမှာတုန်းကဆိုရင် ထောင်ထဲကကောင်တွေထုတ်ပြီး ရိုက်ခိုင်းသေးတာပဲ။

အင်း..ဟုတ်တယ်။ ခင်ဗျားပြောသလိုပဲ။ အမည်းစက်တွေပေါ့။ အဲဒီလိုနေရာမျိုးမှာ ကျုပ်တို့လိုလူ(၃)ယောက်လောက်ပဲရှိ။ အစိုးရတွေဝေ သွားမယ်။ ကျုပ်မလုပ်ဘူး။ ကျုပ်မလုပ်တော့ ဘာဖြစ်မလဲ။ ကျုပ်ဘ၀ပျက်သွားအောင် သူတို့လုပ်မယ်။ အာဏာရှင်သဘောပေါ့။ အဲဒီ တော့ နေရာမှာပဲ ကျုပ် ကိုယ့်ကိုကိုယ် သတ်သေပစ်လိုက်မယ်။ အမှန်တရားတစ်ခုအတွက် ကျုပ်လုပ်နိုင်တာ ဒါပဲ။ ကျုပ်ဆိုလိုချင်တာ တော့ ဒါပဲ။

မဖြစ်နိုင်ဘူးလို့တော့ ခင်ဗျားမပြောနဲ့ဗျ။ ဖြစ်တယ်။ ကျုပ်သိတယ်။ ကျုပ်တို့အထဲမှာလည်း ကိုယ့်လူကိုယ် မယုံရဘူး။ ကိုယ်ကောင်းစား မယ်ဆိုရင် ဘယ်ကောင့်ကိုမဆို ချနင်းမဲ့ ကောင်တွေရှိတယ်။ အဲဒီလိုဖြစ်အောင်လည်း သူတို့က သင်ပေးခဲ့တာ။ ခင်ဗျား လည်းဘာပဲဖြစ် ဖြစ်သတိတော့ထားဗျ။ ကျုပ်ဒီလိုခံစားချက်တွေ နဲ့ ဒီစကားတွေကြောင့် ကျုပ်ပတ်ဝန်းကျင်နဲ့ ကျုပ် အသိုင်းအ၀ိုင်းမှာတော့ ကျုပ်အတွက် မကောင်းတာအမှန်ပဲ။ ဆိုးတယ်ဗျ။

ခင်ဗျားသိလိမ့်မယ်ထင်တယ်။ ပြီးခဲ့တဲ့အချိန်တုန်းက စင်ကာပူက ကောင်လေးနဲ့ ရုရှားကကောင်လေး ဖုန်းပြောတာကိုဗျာ။ Burmatoday မှာတင်ထားတာလေ။ စင်ကာပူကကောင်လေးကလည်း မလုပ်သင့်ဘူးဗျအဲလို။ ရုရှားကကောင်ကလည်း ပုံမလာဘူး။ မှားနေတာကို ဖင် ပိတ်ငြင်းနေတာ။ ကိုယ့်ဘက်ကလည်း မှားတယ် ၀န်မခံချင်ဘူး။ ကိုယ်ကိုယ်တိုင်လည်း ဘာလုပ်နိုင်လဲ။ ဘာမှမလုပ်နိုင်ဘူး။ ပုဂ္ဂိုလ်ရေး အစွဲတွေနဲ့ လုပ်နေကြတာပဲဗျာ။ ဆင်းရဲမှုတွေဆိုတာအဲဒါတွေပေါ့ဗျာ။

ကျွန်တော် အကြံတစ်ခု ပေးချင်တာရှိတယ်။ စစ်တပ်ကိုပြန်တည်ဆောက်ဖို့ပဲ။ မြန်မာပြည်ကို ကောင်းစေချင်တဲ့ လူငယ်တွေ စည်းရုံးပြီး မကောင်းတဲ့ ကောင်တွေကို ကစ်ထုတ်ပစ်လိုက်။ မြန်မာလူမျိုးတွေကခက်တယ်။ တခါတရံတော့ တစ်ခုခုကိုတွေး ကြောက်တယ်။ တ ကယ်ဆိုရင် အသေခံပြီးဗုံးခွဲပစ်လိုက်ဗျာ။ အဲဒီအကောင်ကြီးကြီးတွေလာမဲ့နေရာတွေ၊ နေတဲ့နေရာတွေကို၊ သိပ်မလုပ်ရပါဘူး။ (၃) ခါ လောက်ပဲလုပ်ပေးလိုက်။ ဒါပေမယ့် အဲဒီလိုလုပ်တဲ့ လူတွေအတွက်တော့ မိသားစုကိုတစ်သက်လုံး စားနိုင်သောက်နိုင်အောင်၊ ကြည့်ရှု စောင့်ရှောက်မှုလုပ်ပေးရမယ်။

အခုမြန်မာပြည်ကို စီးပွားရေးအရ ပိတ်ဆို့မှုတွေလုပ်တယ်။ မြန်မာပြည်သူတွပဲ ငတ်တာဗျ။ ဟိုကောင်ကြီးတွေက မငတ်ဘူး။ အခံရခက် တယ်ဗျာ။ တကယ်ဆိုရင် ပြည်သူအတွက်ကြည့်သင့်တယ်။ ခင်ဗျားသိလား၊ စစ်တပ်လို့ပဲပြောရမှာပေါ့ဗျာ။ လူကြီး တွေမှာ A Plan, B Plan ဆိုတာရှိတယ်။ ရုရှားလိုနေရာ၊ စိန့်ပီတာစဘတ်လိုမြို့မှာ အိမ်တွေရှိကြတယ်။ ဟုတ်တယ်ဗျ။ တကယ်ပြောတာ။ အဲဒီလိုမျိုးနောက် ထပ်ဘယ်နှစ်နိုင်ငံလောက်မှာများ ရှိသေးလဲတော့ မသိဘူး။ ဒါဟာ တကယ့်ထိပ်တန်းလျှို့ဝှက်ပါ။ အင်း..မြောက်ကိုရီးယားတော့မသိဘူး။ တရုတ်တော့ရှိတယ်။ သူတို့နဲ့တည့်တဲ့ နိုင်ငံတွေမှာပေါ့ဗျာ။ အခုဗျာ မြန်မာ နဲ့ ရုရှား စီးပွားရေးနဲ့ ပတ်သက်တဲ့ Project တွေအများကြီး လုပ်ထားတယ်။ အကုန်ပဲ။ လူကြီးတွေ ခဏခဏ လာတာတွေဟာ ဒါတွေအတွက်ပဲ။ အတိုချုပ်ပြောရရင် သူတို့အာဏာရဖို့အတွက် ဖြစ် တဲ့နည်းနဲ့ လုပ်မှာပဲ။

ခုနကပြောသလို Fight Step ပေါ့ဗျာ။ တကယ်ဆိုရင် NLD နဲ့ တပ်ပေါ့။ သူတို့တစ်တွေက တစ်ခုခုတော့ လုပ်သင့်နေပြီ။ ကျုပ် Online မှာ မြန်မာတွေနဲ့ စကားပြောတယ်။ မလေး၊ စင်ကာပူနဲ့ တခြားနေရာတွေပေါ့ဗျာ။ တော်တော်များများ လူလူချင်း အလှောင်ခံရတယ်။ အဲဒါ တွေက မြန်မာအစိုးရရဲ့ အသုံးမကျမှုတွေပဲ။ တကယ်တော့ အခုရုရှားရောက် စစ်ဗိုလ်တွေကြုံတွေ့ရနေရတဲ့ ဇာတ်လမ်းရဲ့ အဓိက တရားခံဟာ သံအမတ်ကြီးဦးတင်စိုးပဲ။ ဘာမှလည်းမသိပဲနဲ့ University တွေနဲ့ Subject တွေကို ခွဲတာပြောတာ။ Chemistry နဲ့ပြီးတဲ့ ကောင်တွေက Physics မှာတက်လို့၊ Physics နဲ့ပြီးတဲ့ကောင်က မဆိုင်တဲ့တခြားနေရာမှာ။ နောက်ရုရှားဆိုတဲ့ လူတွေကလည်း ဘယ် တော့မှ ပညာကို မပေးဘူး။ သုံးစားလို့မရတဲ့ဟာတွေ ပေးတာ။ ကျုပ်စဉ်းစားတယ်ဗျာ။ ကမ္ဘာမှာမြန်မာလူမျိုးတွေထဲမှာ အရမ်းတော်တဲ့ လူတွေရှိတယ်။ ဦးနှောက်ယိုစီးတဲ့ ပြဿနာဟာ မြန်မာမှာအဆိုးဆုံးပဲလို့ ထင်တယ်။ ဘာကောင်းလဲဆိုတော့ နိုင်ငံခြားမှာပဲ ၀င်ငွေ ကောင်း၊ ဘ၀တိုးတက်မှုအရ ရောက်နေတဲ့ မြန်မာတွေ အများကြီး။ ဘယ်လောက်နှမြောဖို့ကောင်းလဲ။

အဲဒီတော့ ရုရှားလာဖို့ ကုန်မဲ့ပိုက်ဆံကို နိုင်ငံအတွက် တစ်နေရာသုံးလိုက်ရင်ကောင်းမယ်။ ဖွင့်ပေးလိုက်စမ်းပါ။ အကုန်လုံးကို။ ရှိနေတဲ့ ပြဿနာတွေ ပြေလည်သွားလိမ့်မယ်။ ပါမစ်တွေကို ဆုပ်ကိုင်ထားပြီး ကိုယ့်အကျိုးအတွက်ပဲလုပ်နေတဲ့ လူတစ်စု လက်ထဲပဲရှိနေမှတော့ ပြည်သူကသေပြီပေါ့။ အမှန်တော့ အိမ်တစ်လုံးရှိလာရင် ခြံစည်းရိုးဆိုတာရှိလာမယ်။ အဲဒီအိမ်ကို လာပြီးနှောက်ယှက်မဲ့လူတွေကို ကာ ကွယ်ဖို့။ ခြံစည်းရိုး မှာနေရမဲ့လူက အိမ်ပေါ်တက်နေမှတော့ ဘယ်မှာအလုပ်ဖြစ်မှာလဲဗျာ။ ကျုပ်တို့ရဲ့ဘ၀က စစ်သား။ စစ်သား အလုပ်ပဲ လုပ်ရမှာ။ ခု ၀န်ထမ်းတွေလည်း ပျက်စီး။ စစ်တပ်က အသက်ကြီးတဲ့ကောင်တွေ၊ ပြုတ်မနူးတွေကို အရပ် ဘက်ကိုပြောင်းပေးလိုက်မှ တော့ အရပ်ဘက်ပါ ပျက်စီးပြီပေါ့။ လုပ်ပေးသင့်တာကြာပြီ။ ဒါပေမယ့် စစ်တပ်ကတော့ ဒီလိုပဲ ဆက်သွားနေဦးမှာ။

ထိုင်းစစ်တပ်ဆိုဗျာ အာဏာသိမ်းတယ်။ ပြီးရင်ပြန်ပေးတယ်။ အဲဒီလောက်ပဲ လုပ်သင့်တာ။ ဦးစောမောင်ကြီးကိုရူးတယ်ဆိုပြီး ဦးသန်းရွှေ က အာဏာသိမ်းလိုက်တယ်။ သူကတော့ သူ့ကို အဲဒီလိုပြန်လုပ်မှာကို ကြောက်တယ်။ တစ်ခါဗျာ..ပြောရင်တော့မပြီးဘူး။ ခင်ဗျား လည်း ငြီးငွေ့မှာပဲ၊ ကျုပ်ပြောတာတွေနားထောင်ပြီး။ ကိုယ့်နိုင်ငံမှာ ဆေးဖိုးမတတ်နိုင်လို့ သေတဲ့လူတွေ၊ ဆန်ဈေးကြီးလို့ ထမင်းနပ် မမှန်တဲ့ လူတွေ၊ အဲဒါတွေရှိနေတယ်ဆိုတာကို သူတို့စိတ်ထဲမှာ မရှိကြ မတွေ့ကြတော့ဘူး။ အခွင့်အရေးဆိုတာနဲ့ တိုးတက်မှုဆိုတာတော့ ရှိစေ ချင်တယ်။ သူတို့က တစ်ဘ၀စံတွေဗျ။ လူတွေမဟုတ်ဘူး။ ဦးနေ၀င်းလည်းအဲဒီလို ပဲ။ (၈၈) ဦးနေ၀င်းဆင်းကာနီးမှာ ပြောသွားတဲ့ စကား တစ်ခုကြောင့် လူတွေအများကြီးသေခဲ့ရတယ်။ မြန်မာလူမျိုးတွေကလည်း အချောင်ခိုချင်၊ အလကားလိုချင်တဲ့စိတ်ဓါတ်တွေ၊ ဗိုလ်ချုပ် အောင်ဆန်းပြောသလို ဖာသာသာစိတ်တွေ ရှိနေတော့ ခက်တယ်။ ကိုယ့်အလုပ်ကိုယ်မလုပ်ချင်ဘူး။

လူတိုင်းမှာ လွတ်လပ်ပိုင်ခွင့်ရှိတယ်။ ကျုပ်သိတာ အဲဒါဟာ မွေးရာပါအခွင့်အရေးတစ်ခုပဲ။ ဒါပေမယ့် သိတဲ့အတိုင်းပဲ။ ကျုပ်တို့လူကြီး တွေက။ နိုင်ထက်စီးနင်း၊ အကျင့်ပျက်၊ ဖက်ဆစ်ဝါဒီ။ ကျုပ်ပြောချင်တဲ့ အဲဒီအကြောင်းလေးတွေကို တင်ပေးလိုက်ပါ။ ဒါပေမယ့် ကျုပ် အကြံတစ်ခုပေးချင်ပါတယ်။ အခုအချိန်ဟာ မြန်မာအချင်းချင်း စည်းရုံးရမဲ့အချိန်ဖြစ်ပါတယ်။ ကျုပ်ကတော့ ဘာမှမလုပ်နိုင်တဲ့တစ်နေရာ မှာရှိနေပေမယ့်၊ ကျုပ်ရင်ထဲမှာ ပြီးခဲ့တဲ့ အရေးအခင်းမှာ အရိုက်ခံရတာတွေကို မြင်ရတော့ တော်တော်စိတ်မကောင်းဘူး။ မျက်ရည် တောင်ကျတယ်။ ကျုပ်ကိုယ်တိုင် အရာရှိဖြစ်နေရတာကို တော်တော်ရွံလာတယ်။

ကဲ .. ခင်ဗျားတို့လည်း လုပ်စရာရှိတာကို လုပ်ကြပါဗျာ။ ကျုပ်ပြောတာလေးတွေ နားထောင်ပေးလို့ ကျေးဇူးတင်ပါတယ်။