အမိန့် ..... အမိန့် ..... အမိန့် ....

လာပြန်ပြီနောက်တစ်ယောက်၊လူမကုန်သေးဘူးလား၊ ချီးဘရိန်းဆိတ်ဗိုလ်လေးရယ်၊ စာမကြည့်ပဲ၊ ကင်းတွေပဲစောင့်ပြီးလူဖမ်းပွဲလုပ်နေ တယ်ထင်ပါ့၊မပြန်ရသေးဘူးလား.....။ မော်စကိုမှာဗိုလ်ကျော်ဆန်းဖိတ်ပြီးတော့၊ သတင်းစာရှင်းလင်းပွဲတစ်ခုလုပ်လိုက်ပါဦးတော့လား။ အင်း .. အဆဲခံနေရတော့လည်း၊ အထက်ကလာတဲ့အမိန့်အတိုင်းလုပ်နေကြရတယ်ထင်ပါ့၊ သြော် ..... အမိန့် ..... အမိန့် ..... ။

အချိန်ကာလကတော့ ..... 2001 ခုနှစ်၊ဖေဖေါ်ဝါရီလ၊ ပြည်ထောင်စုနေ့မတိုင်ခင်လေးမှာပေါ့၊ သံလွင်မြစ်ကြောင်းအတိုင်း၊ တပ်မတော်(လေ)ကရဟတ်ယာဉ်တစ်စင်းခပ်နိမ့်နိမ့်ပျံသန်းနေတယ်။ ဦးတည်ရာအရပ်ကတော့ တောင်မှ မြောက်သို့၊ဆောင်းအကုန်လေးမှာပတ်ဝန်း ကျင်တစ်ခုလုံးမှုံတုန်တုန်၊၀ါးတားတား။ တချက်၊တချက်မှာတော့ မိုးလေးကပါလိုက်သေး။ နောက်နာရီဝက်လောက်ဆို၊ ဘားအံမြို့ဆီ ရောက်တော့မယ်ဆိုလားပဲ။ ကြည့်ရင်းနဲ့အပြင်ဘက်မှာ မိုးပိုသည်းလာလားတော့မသိ၊ ရဟတ်ယာဉ်အတွင်းပါလာတဲ့ပုဂ္ဂိုလ်ကြီးတွေ အားလုံးပိုပြီးအေးစိမ့်စိမ့်ခံစားလာရတယ်။ တချို့ကဆိုဂျာကင်လေးတွေတောင်ကောက်ဝတ်လိုက်သေး။ ရဟတ်ယာဉ်ပိုင်းလော့ခမြာ လည်း၊ မှုံပျပျမြင်နေရတဲ့၊ရှေ့တူရှုဆီ ကြိုးစားမောင်းနှင်နေတယ်။ သူ့စိတ်ထဲမတော့၊ ရှေ့ရောက်လေ၊ ရာသီဥတုပိုဆိုးလာလေ၊ ပိုပြီးတော့အေးလာလေသလားလို့တောင်ထင်နေမိတယ်။ ရှေ့မြင်ကွင်းကိုအားစိုက်ကြည့်နေရင်းမှာပဲ၊ ပတ်ဝန်းကျင်ဟာရုတ်တရက် အမှောင်ကျသွားပြီး၊ ရဟတ်ယဉ်ကိုယ်ထည်ဟာလည်းသိမ့်ကနဲတစ်ချက်တုန်သွားတယ်။
အနောက်ဘက်မှာဝက်မှေးမှေးလာတဲ့ပုဂ္ဂိုလ်ကြီး၊ ရုတ်တရက်လန့်နိုးသွားပါရောလား၊ ဘယ်လိုဖြစ်တာတုန်း၊ ကျီးကြည့်ကြောင်ကြည့်နဲ့ အပြင်တစ်ချက်လှမ်းရှိုးလိုက်တယ်။ အား ..... ပါး ပါး .. မှောင်မဲနေပါရောလား၊ ပြီးတော့အေးလိုက်တာလည်းလွန်ပါရော၊ သူတချက် စိတ်တိုသွားတယ်။ မနေ့ညကကစ်ထားတဲ့အရှိန်ကသိပ်ပြေချင်သေးတာမဟုတ်ဘူး။ ခုနှစ်ပင်လိမ်မိလို့လူကလည်းမောတောတော၊မူးတူး တူး၊ ရေကလည်းငတ်သေး။ တင်းတာပေါ့၊ ချမ်းရတဲ့အထဲမှာ၊ အရှေ့ကကောင်တွေကလည်းဟတ်စကီးကိုဘတ်(စ်)ကားလိုမောင်းနေ ကြတယ်။ စိတ်ထဲတော်တော်ဒေါသထွက်လာတာနဲ့၊ အနောက်ကကိုယ်ရေးအရာရှိကိုလှမ်းဟောက်လိုက်တယ်။ ဘာမဆိုင်၊ညာမဆိုင် လေ။ “ ဟေ့ကောင် ..... ဘာလို့ဒီလောက်တောင်ချမ်းနေရတာလဲကွ ” တဲ့။ အရာရှိခမျာမှာ ရုတ်တရက်ကြောင်သွားပြီး၊ တစ်ချက်စဉ်း စားမိတာနဲ့ ကြံမိကြံရာလေ။ ဘာပဲဖြစ်ဖြစ်အဖြေရှိဖို့အဓိကမဟုတ်လား၊ နောင်ခါလာနောင်ခါရှင်းပေတော့။ မရဲတရဲလွှတ်ကနဲပဲပြန်ဖြေ လိုက်မိတယ်။ “ ပန်ကာဖွင့်ထားလို့အေးနေတာထင်ပါတယ်၊ ဗိုလ်ချုပ်ကြီးခင်ဗျား” တဲ့။
“ ဟင် ..... ” ပုဂ္ဂိုလ်ကြီးဒေါသငယ်ထိပ်ဆောင့်တက်သွားတယ်။ ချက်ချင်းပဲလွှတ်အော်ထည့်လိုက်တာပဲ။ တော်တော်အလိုက်ကန်းဆိုး မသိလွန်းတဲ့ကောင်တွေပဲပေါ့။ “ဟိုရှေ့ကလေယာဉ်မောင်းနေတဲ့အကောင်တွေ၊ ခုချက်ချင်း ... ပန်ကာပိတ်ပစ်စမ်း၊ ဒါအမိန့် ” တဲ့။ ဟုတ် ကဲ့ ..... သေဆိုသေ၊ ရှင်ဆို ..... ရှင်။ အမိန့်ဆိုတာ တပ်မတော်ရဲ့အသက်ဖြစ်တာမဟုတ်လား။ ပိုင်းလော့ .. ချက်ချင်းပဲ ရဟတ်ယာဉ်ရဲ့ မောင်းနှင်လည်ပတ်နေတဲ့၊စက်အစိတ်အပိုင်းအားလုံး၊ပိတ်ချပစ်လိုက်တာပေါ့။အမိန့်လေ၊ အထက်ကလာတဲ့အမိန့်၊ တစ်ချက်လွှတ်အမိန့်၊ ဘာရမလဲ၊ ပိတ်ဆိုပိတ်ပစ်တာပေါ့။ အမိန့်ဟာ ..... အမိန့် ..... အမိန့် .....အမိန့်။
ခဏလေးပဲကြာတယ်။ မိနစ်ပိုင်းလေးပဲ။ သံလွင်မြစ်ကမ်းနံဘေးမှာရှိတဲ့၊ တရုတ်လှ ဆိုတဲ့ကျေးရွာလေးကရွာသူရွာသားအားလုံးဟာ၊ မိုးကြိုးပစ်သံလိုလို၊ ရေထဲပဲတစ်ခုခုပစ်ကျသွားတဲ့အသံလိုလို၊ ပီပီပြင်ပြင်ကြီးကြားလိုက်ရပါတော့တယ်။ “၀ုန်း.....” _________________________________________________________________________________________________ ကဲ .....ပြောချင်တာလေးတွေဆက်ရေးဦးမှ ..... “ဟင် .... !!!!! သူတို့ဝင်လာပြီ ..... ၀င်လာကြပြီ၊ အောင်မလေးဗျာ ..ပိတ်မှ၊ ငါ့စက်ကလေးမြန်မြန်ပိတ်မှ၊ ..... ” “အောင်မလေးဗျန့်.....မရေးတော့ပါဘူးဗျ၊ဒီနေ့ပြောတာ.....” “လူကိုချမ်းသာပေးကြပါဗျာ၊.....ကွန်ပြူတာလေးတော့မသိမ်းကြပါနဲ့၊” “မနဲခြွေတာပြီးဝယ်ထားရတာမို့.....” “ဦးရဲမင်းထွန်းဆိုလား၊ ဦးမင်းရဲထွန်းဆိုလားမသိဘူး၊ ရာထူးကနှုတ်ထွက်လို့ ...... အဲဒါလေးပဲဖတ်နေတာပါခင်ဗျာ ..... စီဗုံးမှာလာအော်သွားလို့.. မယုံရင် အောက်မှာကြည့်ကြည့်.....” “ အောင်မငေးဗြန့် ..... နောက်နေ့မှပဲရေးပါတော့မယ်.....” http://www.mediafire.com/?5ciugjjl4nd

Read more...

စစ်ထဲလိုက်ချင် လက်ညှိုးထောင်

စစ်ထဲလိုက်ချင် လက်ညှိုးထောင်
မောင်စွမ်းရည် (အောက်တိုဘာ ၇၊ ၂၀၀၇)

အောင်ဆန်း တေဇ
ဒို့ အားကျလို့
ငယ်ကရည်စူး၊ စစ်ဗိုလ်မှူးပေါ့ .....
စစ်ဗိုလ်ဆိုရင်
ပျိုတို့ ချစ်ပြိုင်၊ နှင်းဆီခိုင်တဲ့ ။

ခုခေတ်မှာတော့
သံဃာကိုသတ်၊ ငရဲတပ်တွေ .....
မိဘကိုသတ်၊ ဒေ၀ဒတ်တွေ .....
သူငါခွာရှောင်၊ မုဒိန်းကောင်တွေ .....
ကျောင်းသားကျောင်းသူ၊ သတ်ဖြတ်သူတွေ .....
အိမ်ရာဖျက်ဆီး၊ သဘက်ကြီးတွေ .....
လယ်ယာလုယက်၊ သူခိုးသူဝှက်တွေ .....

ခုခေတ်မှာတော့
သူငါ ကျောခိုင်း၊ ပဒိုင်းပွင့်တွေဖြစ်ကုန်ပြီ။

စစ်ထဲဝင်ချင်၊ လက်ညှိုးထောင်
ထောင်တဲ့လက်ညှိုး၊ “မီးပုံ” ထိုးလို့
ဆိုရိုးတွင်ရစ်စေသတည်း။

http://www.moemaka.com/ မှကူးယူဖေါ်ပြပါသည်။

Read more...

ပြောင်လျှာရှည်တို့ကတဲ့ဇာတ် (၁)

တဲ့နယ်တူ ... ပူနယ် .. တဲ့နယ်၊ ... တဲ့နယ်တူ ... ပူနယ် .. တဲ့နယ် .. ဂျိမ်ဂျိမ်..ဂျိမ်..ဂျိမ်ထိ၊ ဂျိမ်ဂျိမ်ဂျိမ်ဂျိမ်ထိ..ဆိုင်းဆရာ ... ရွာစားကျော် စိန်ပတ်ရှည် .. လေပြေထိုးပြီးနောက် .. ပြည်ဖုံးကားကြီးပွင့်ကျလာစေ .....လူရွှင်တော် .. လျှာရှည်နဲ့ ပြောင်ရှည်တို့ကား ... ပရိတ်သတ်ကြီးကို၊ ချိုချဉ်အစုံ ငုံထားသောမျက်နှာမျိုးနဲ့ ညီလာခံကိုယ်စားလှယ်တော်ကြီးများလို လက်အုပ်တချီချီ၊
ခေါင်းတွေတညိတ်ညိတ်နဲ့ ..... အဲ .... လျှာရှည်ကစ ပါလေရော ..... “ ကြွလာသမျှ .. ဆွေသဟာ .. ချမ်းသာကိုယ်စိတ်မြဲပါစေ။
လျှာရှည်၊ ပြောင်ရှည် နှစ်ယောက်ပေါင်းပို့သမေတ္တာကြောင့် ....
ဥပါဒ်ရန်ဝေး ..... ကင်းစင်ဝေး .. ငြိမ်းအေးကြပါစေ ...
မကြားသောသူ .. ငူတူတူ ..... အ၀ီစိရောက်ပါစေ ... ”

ပြောင်ရှည်။ ။ “သာဓု ... သာဓု ... သာဓု ... ။ ဟမ် ... လုပ်ပြီ .. ငါကအဟုတ်မှတ်လို့ ... ဘာတွေဆိုနေတာတုန်းဟ ..... ”

လျှာရှည်။ ။ “ ခွန်းထောက်ဆိုနေတာလေ ..... ”

ပြောင်ရှည် ။ ။ “ အံ့ပါ့ကွာ ...... ခွန်းထောက်ဆိုတာ အဲလိုမဆိုရဘူးကွ၊ .. မှင်နဲ့မောင်းနဲ့ .. လူကြီးတွေလိမ်တော့မယ်ပုံစံမျိုး .....”

လျှာရှည်။ ။ “ ဟ .. ဘယ်ကလူကြီးလည်း .. ရှုပ်နေတာပဲ ..”

ပြောင်ရှည်။ ။ “ ကိုယ့်ထက်ထမင်းစားဦးရင် လူကြီးပေါ့ကွ ..”

လျှာရှည်။ ။ “ အင်း .. မှတ်သားလောက်ပါပေ့ ..”

ပြောင်ရှည်။ ။ “ သုံးဆယ့်နှစ်ချောင်းသောသွားတွေ ပေါ်အောင်ဖြီးနေရမယ်။ မကျေနပ်တာကို ကျေနပ်နေသလိုမျိုး .... နဖူးမရှုံ့ပဲ ..
ဖင်လေးရှုံ့နေရမယ် .....။ ” (ဖင်လေးတောင် ... အမှန်အကန်ရှုံ့ပြလိုက်သေး ... )

လျှာရှည်။ ။ “ မင်းကဖင်သာရှုံ့ပြနေ ... ဗိုက်ကြီးက စားထားတာများတော့ ဖေါင်းနေတာပဲ ..... ”

ပြောင်ရှည်။ ။ “ ဒါကလွယ်ပါတယ် .. မွေးကတည်းက ရေဖျဉ်းရောဂါရှိလို့ ပါလို့ ..... ပရိတ်သတ်ကြီးကိုပြောလိုက်ရင် ..... ပိုလို့တောင်သနားသွားဦးမယ် ”

လျှာရှည်။ ။ “ ကိုင်း .. ကိုယ့်လူ မင်းဘာသာမင်း ကြိုက်သလိုလုပ်နေ ..... ပရိတ်သတ်ကြီးက .. မင်း .. ခွန်းထောက်စောင့်နေတာ
အနှစ် (၂၀) ထဲရောက်နေပြီ ..... ”

ပြောင်ရှည်။ ။ မင်းသားကြီးလေသံဖြင့် ..... “ ဆိုပါ့မယ်ကွယ် ...... ဆိုပါ့မယ် .... ဟယ် ..ဟယ် ..ဟယ် .. ( စ ..... ဆို)
မြန်မာပြည်တောင်ဒီကျွန်းမှာလ ..... အောင်စည်သံရွှမ်းပါလို့ ..... (ကိုယ့်ဘာသာကိုယ်) .. ဒို့ မြန်ပြည်ရွှေရောင်လွှမ်းပြီမို့ ..... ထူး .. ဟူး .. ဟူး .. ဟူး . ထူး ... မြတ်တဲ့ မြန်မာ .... ဟာ..ဟာ.. ”

လျှာရှည်။ ။ “ ရွှေမြန်မာဆိုတာကိုးခင်ဗျ ..... (သံယောင်လိုက်သေး) ”

ပြောင်ရှည်။ ။ “ ထူးမြတ်တဲ့ ..ပြည်မြန်မာ၊ ညီညာပါသာစေကြောင်းရယ်နဲ့ ..... ၊ ပြည်သာယာအစဉ်ရေးကိုလ ..”

လျှာရှည်။ ။ “ ဆက်ဆိုပါဦးခင်ဗျ .. ” (ထောက်ပို့ ... ထောက်ပို့)

ပြောင်ရှည်။ ။ “ အင်း ..... ဆိုရ ..ဆိုရ .. ရင်ဝမှာ မသက်သာ ... ဒင်းအာဏာ တည်နေသမျှတော့ ..... မွဲ .. ဟဲ ..ဟဲ .. မွဲ .. ဟဲ ..ဟဲ
ပြည်သူတွေခင်မျာ ... ”
(ရွာစားကျော် စိန်ပတ်ရှည်ကလည်း အလိုက်တသိ၊ ဘီးလူးဆိုင်းတီးပေးလိုက်လေ၏ )

လျှာရှည်။ ။ “ ကောင်းလိုက်ပါပေ့ ..... ခွန်းထောက်တော် ပဏာမနဲ့ .. ပဏာသ သွားတာ ကိုပြောင်ရှည်မှတ်ပ .. ဗျာ ..၊ အင်း ...
ဒီလိုနဲ့ ..... တစ်နှစ်တစ်ခါရောက်လို့လာ .. ရောင်ဝါဆီမီး .. ထိန်ထိန်ညီးမယ့် .. သီတင်းကျွတ်လ .. ဒီချိန်ခါမှာ လျှာရှည်ရဲ့ လက်အစုံ ကြာပဒုမ္မာဖူးကဲ့သို့ ..... ဦးထိပ်တင်ပြီး ..... ဗုဒ္ဓံသရဏံဂစ္ဆာမိ၊ ဓမ္မံသရဏံဂစ္ဆာမိ၊ သံဃံသရဏံဂစ္ဆာမိ ..... ပါလို့ကန်တော့လိုက်ပါပြီ ဘုရား ” (ရင်ထဲကလာတဲ့စကား)

“ ဖြောင်း ” (လျှာရှည့်ခေါင်းပေါ် မကြေငြာပဲ ကျလာတဲ့ ပြောင်ရှည့်ရိုက်ချက်လေး)

ပြောင်ရှည်။ ။ “ မှားနေတယ် .. ပြန်ဆို ..ပြန်ဆို ”

လျှာရှည်။ ။ “ ဘာမှားလို့လဲ (အံ့သြခြင်းကြီးစွာဖြင့်) .... ဘာမှားလို့လဲ.... ဘုရား၊ တရား၊ သံဃာလေ .. ဘာမှားလို့လဲ ”

ပြောင်ရှည်။ ။ “ အဲဒါပြောတာပေါ့ .. မင်းပူဇော်တာမပြည့်စုံတော့ဘူး .. ”

လျှာရှည်။ ။ “ ဗုဒ္ဓံသရဏံဂစ္ဆာမိ၊ ဓမ္မံသရဏံဂစ္ဆာမိ၊ သံဃံသရဏံ ဂစ္ဆာမိ လေ.. (မျက်လုံးကလယ်၊ ကလယ်ဖြင့်) ”

ပြောင်ရှည်။ ။ “ အဲဒီမှာ .. စလွဲရော၊ ဗုဒ္ဓံ၊ ဓမ္မံ အထိပူဇော်လို့ ရသေးတယ်လေ။ အမယ်မင်း .... ခုတော့ သံဃံ ဆိုတာမတွေ့တော့ပါ လား။ ” (ရွာစား စိန်ပတ်ရှည် .. ငိုချင်းချသံတီးသံထွက်ပေါ်လာ)

ပြောင်ရှည် (ဆက်ပြော) ။ ။ “ ကြုံရ ..ကြုံရ .. ဘုံဘ၀၊ ဆုံလိုက်ရတဲ့ဒီကြမ္မာ၊ ဘယ်ကုသိုလ် ဘယ်ဆီရောက်ပါလိမ့်၊ ဘုရားဒကာ ကျွန်တော်မျိုးမှာလ၊ အမယ်မင်း ... ခုတော့သံဃာ ဆိုတာ ရှား ... ဟားဟား .. ရှား..ဟားဟား ပေါ့ဗျာ .. ”

(ရွာစားစိန်ပတ်ရှည် ..ကလည်းအလိုက်တသိ၊ “တပ်မတော်ကြီလည်းချီလာပါပြီ၊ တပ်မတော်ကြီးလည်းချီလာပါပြီ” ဆိုပြီးလက်စွမ်းပြပါ လေရော ...)

လျှာရှည်။ ။ “ မင်းငိုတော့ ..ငါလည်းငိုချင်တာပေါ့ကွာ၊ ကဲ .. တိတ်ပါ.. ပြောင်ရှည်ရယ်၊ တစ်နေ့ကျရင်လေ .. အဲဒီဝမ်းချုပ်ကြီးကို .... ”

ပြောင်ရှည်။ ။ “ တပ်ချုပ်ကြီးလုပ်စမ်းပါ .. ”

လျှာရှည်။ ။ “ စားတာများပြီး ၀မ်းချုပ်နေတာ မင်းမှ မသိတာ .. ၊ အဲဒီဝမ်းချုပ်ကြီးကိုငါကိုယ်တိုင်သွားတွေ့ပြီးရင် မျက်လုံးလေးလုံး ဆိုင်၊ တစ်ချက်တည်းပြောချပစ်လိုက်မယ် ..... ”

ပြောင်ရှည်။ ။ “ မျက်လုံး နှစ်လုံးပါ ..”

လျှာရှည်။ ။ “ ဟ ..... သူနှစ်လုံး၊ ငါနှစ်လုံးလေ ... ငါတစ်ချက်တည်းပြောချပစ်လိုက်မှာ .. ”
ပြောင်ရှည်။ ။ “ ဘာပြောမှာတုန်း ... ? ”

လျှာရှည်။ ။ “ ငါတစ်ချက်တည်းပြောချပစ်လိုက်မှာ ... ”

ပြောင်ရှည်။ ။ “ ပြောင်ရှည်စိတ် မရှည်တော့ဘူးနော် .. ဘာပြောမှာတုန်း ... ”

လျှာရှည်။ ။ “ ဒီလိုပြောပစ်လိုက်မှာကွ ... တပ်ချုပ်ကြီးမွေးနေ့ဘယ်တော့လဲ ဟင် ...”

ပြောင်ရှည်။ ။ “ သောက်ရေးထဲ .. မွေးနေ့မေးပြီး .. ကားပါမစ်တောင်းမလို့လား ..၊ ဒီမှာ ပြောင်ရှည်တို့ကတော့ ဒီဝမ်းချုပ်ကြီးမှတ်
သွားအောင် .. ချာလပတ်ရမ်းသွားအောင်၊ ဒီလိုရက်စက်မှုမျိုးကို .. ပြောချပစ်လိုက်မှာ ”

လျှာရှည်။ ။ “ ဟ .. လုပ်စမ်းပါဦး၊ ကြားစမ်းပါရစေ .. ”

ပြောင်ရှည်။ ။ “ ဟေ့ ..... တပြောင်ရှည်တဲ့ရှိတယ်ကွ၊ ဘယ်သူမှတုလို့မရဘူး ..”
လျှာရှည်။ ။ “ ဟုတ်ပါတယ်၊ မင်းပြောင်တာ လူတိုင်းသိပါတယ်၊ နဖူးကပြောင်ပြောင်၊ ဆံပင်က တစ်ချောင်းတည်းရှည်နေတာ ပြော မှာသာပြော ... ”

ပြောင်ရှည်။ ။ “ ဒီလိုပြောပစ်လိုက်မှာ ... ”

လျှာရှည်။ ။ “ ကဲပြောပါ .. ရှစ်ကြီးခိုးပါတယ်၊ ”

ပြောင်ရှည်။ ။ “ ဒီလိုကိုပြောမှာ ... ဒီမှာတပ်ချုပ်ကြီး (အမိန့်သံဖြင့်) .. ခင်ဗျားအိမ်မှာခိုင်းစရာရှိရင်ပြောနော် ... ”

လျှာရှည်။ ။ “ အင်း ... ကြိုင်ကြိုင့် ထဘီလေးပါလျှော်ပေးလိုက်ပေါ့၊ ..... ထွီ .. အဟုတ်မှတ်လို့ .. နားထောင်နေတာ၊ သူကပိုတောင် ဆိုးသေး ”

ပြောင်ရှည်။ ။ “ အလကားပြောတာပါကွာ၊ ဒီလိုမျိုးတွေမဖြစ်ရအောင် .. လူရွှင်တော်တွေကသတိပေးတာ။အဟိ.. ပြောသာပြောရတာ ပြောင်ရှည့်အသံ စင်အောက်တောင်ရောက်ပါ့မလားမသိ။ ”

လျှာရှည်။ ။ “ ကဲ ... ကဲ .. တော်ပါတော့၊ မင်းသမီးလေးရဲ့ .. အက အလှ ကိုလည်း ပရိတ်သတ်ကြီးကမျှော်နေလောက်ပြီ၊ ကတော် ရုပ်ကိုဖေါ်ထုတ်ကြပါစို့လား ... ”

ပြောင်ရှည်။ ။ “ အသားကဉ္စန၊ ခါးတင်အလှ၊ ငါးပဉ္စ ကောင်းခြင်း၊ မျက်နှာကမအီမလည်၊ စ်ိန်တွေကသီးသီး၊ ခြေသလုံးညိုပုပ်၊ တကယ့်ကတော်ယုတ် (အဲလေ ...စာလုံးပေါင်းမှားလို့ ..) သန်တာရှည်ဆိုတဲ့ နှမ .... တေး“စ” ဖို့... ကိုင်း .... ရွာစား .. ဖေးမလို့ပေးပေ တော့ဗျာ ...”

(ဂျိမ်ထိ ..... ဂျိမ်ထိ ... ဘေပုံပတ်ပုံထိ ...) ဆိုင်းကလည်းသွက်ပါ့။

မင်းသမီးလေးသန်တာရှည်.. ဆင်မဗိုက်နာမျက်နှာပေးနဲ့ထွက်လာပြီး သီချင်းတစ်ပုဒ်ကိုဆိုစေ ......

“ စစ်သားဆိုရင် ...ကြောက်ပါပြီရှင် ..ကျောရုံကြံလိမ့်မထင် ... ။ လူဆိုးလား၊ လူကောင်းလား၊ မခွဲခြားတတ်ပါရှင်။ (အသံလေးကတော် တော်နောင်တရနေပုံ) ” (ဂျိမ်ထိ ..... ဂျိမ်ထိ ... ဘေပုံပတ်ပုံထိ ...)

မှတ်ချက်။ ။ မင်းသမီးလေးအဲဒီတစ်ပိုဒ်ပဲဆို၊ တစ်ပိုဒ်ပဲကပြီး၊ စူပုပ်ပုပ်မျက်နှာပေးနဲ့ပြန်ဝင်သွား .....

လျှာရှည်။ ။ “ ဟာ .. ဒို့ မင်းသမီးလေး၊ ဆိုသွား၊ ကသွားလိုက်တာ၊ ပြောစရာကိုမရှိ ... ကောင်းလိုက်တာဗျာ ... ”

ပြောင်ရှည်။ ။ “ မင်းသမီးကလည်း တစ်ပိုဒ်ပဲဆို၊ တစ်ပိုဒ်ပဲကသွားတယ် ... ပရိတ်သတ်ကြီးကိုအားနာလိုက်တာ ”

လျှာရှည်။ ။ “ မင်းကဘာသိလို့လဲ ... တစ်ခါဆိုလို့တစ်ပိုဒ်တည်းပြီးတာ၊ နှစ်ခါများဆိုမိရင် ... နှစ်ဗိုက်၊ အောင်မလေး ...မတွေးရဲပါဘူး .. ”

အဲဒီမှာတင်ဆင်ဆာမိပြီးပြက်လုံးမဆက်နိုင်တော့။ ။

(ကိုပြောင်ရှည်ရေးသားတင်ဆက်သည်။)

Read more...

ပြောချင်လွန်းလို့ (၄)

စီဗုံးမှာထောက်ပြထားတဲ့မေးခွန်းတစ်ခုကို ပထမဦးဆုံးပြန်ဖြေပါတယ်ဗျို့၊ရေးထားတာ“တစ်နေ့လုံးမနားပဲမောင်းနေတာ”လို့ရေးထားတာ ပါ။ တစ်ညလုံးမဟုတ်ပါဘူး။ (၂၄) နာရီလုံးလုံးမောင်းနေတာလို့လည်းမရေးထားပါဘူး။ ညဘက်နားတာမို့လို့ .. ချဲ့တွေးပြီးစဉ်းစား မိခဲ့ရင်၊ ပိုဆိုးသွားမှာ၊ အဲဒါကြောင့် “နေ့” လို့ပဲပါတာ။

သိပ္ပံနှင့်နည်းပညာဝန်ကြီးဌာနက၊၀န်ထမ်းတစ်ဦးပြောသွားတာလည်းမှန်ပါတယ်။ အစောကတည်းကိုက တပ်မတော်အနေနဲ့ ရုရှား ပညာ သင်လွှတ်တဲ့ကိစ္စကိုအထူးလျှို့ဝှက်ခဲ့တာပါ။ အခုမှသာ၊ဆိတ်ဗိုလ်တွေကြောင့်ပွစိလန်ကုန်တာဗျို့။ သေချာဆွေးနွေးကြစတမ်းဆိုရင်စံနစ် တစ်ခုလုံးကိုပြောရမှာဖြစ်ပါတယ်။ အဲဒီပညာသင်လွှတ်တဲ့စီမံကိန်းအကြောင်းနဲနဲပါးပါးကို လျှာရှည် အနာဂတ်မှာဆွေးနွေးဖို့ရှိပါတယ်။ ဆိတ်ဗိုလ်တို့ဆက်ပြီး ငါသိ၊ ငါတတ်၊ လူတွင်ကျယ်လုပ်နေဦးမယ်ဆိုရင်ပေါ့လေ။ အခုလျှာရှည် ဘာကောင်လဲဆိုတာလည်း တော် တော်စိတ်ဝင်စားနေကြတယ်ထင်ပါ့။ ရှာမတွေ့တော့ စိတ်လည်းတိုတယ်။ တစ်ချို့ဆိုကြမ်းနဲ့၊ ဖင် ဆောင့်နေကြတယ်ဆိုပဲ။
မတိုနဲ့၊မဆောင့်နဲ့.....ဆိတ်ဗိုလ်တို့၊ ရာသီဥတုအေးရတဲ့အထဲ တိုလည်းတို၊ ဆောင့်လည်းဆောင့်မိရင်၊ လူစဉ်မမီပဲ၊ ကိုယ့်မျိုးဆက်လေး တွေချန်မထားခဲ့နိုင်ဖြစ်နေဦးမယ်။ ဘဒ္ဒကမ္ဘာမှာနောက်ဘုရားအဆူဆူပွင့်တော်မူသွားလိမ့်မယ်။ လျှာရှည့်ကိုရှာနေရင်၊ မောင်မင်းတို့၊ ကိုယ်ကျိုးနည်းမည်သာပ။ ကိုယ့်စာကိုယ်သာကြိုးစားကြ။ မအာရင်၊ မဖွာရင်၊ မညာရင်၊ လူတိုင်းက ၀ဲ(လ်)ကမ်းပဲ။ ရာဇ၀င်ထဲမှာ၊ ပြင်ဦးလွင်ကိုထားခဲ့လိုက်တော့။ နိုင်ငံတကာစာမျက်နှာမှာ ဗိုလ်ဥာဏ်ဝင်းလိုမလုပ်နဲ့။ ဗိုလ်ကျော်ဆန်းလိုလည်းတွေ့ကရာလက်ညှိုး မထိုးနဲ့။ ကမ္ဘာကြီးလုံးတယ်ဆိုတာ လက်ခံရင်၊ အမေရိကန်တွေ လပေါ်ရောက်ဖူးတယ်ဆိုတာ ယုံကြည်ရင်။ ဗိုလ်သန်းရွှေတို့၊ မင်းတို့အား လုံးသာသနာ့အပြင်ရောက်နေကြပြီဆိုတာ နားလည်ကြ။သနားလို့၊ မြန်မာအချင်းချင်းကူညီရိုင်းပင်းပြီးတော့၊ လူ့အသိုင်းအ၀ိုင်းထဲဆွဲခေါ် နေကြတာ။ မလိုက်ချင်တောင်ဆွဲတဲ့လက် ပြန်မကိုက်ကြနဲ့။ ဗြိတိသျှနေမ၀င်အင်ပိုင်ယာကြီးတောင်၊ မိုးချုပ်သွားခဲ့ပါပြီကော။ ဒါ..ပညာ ခေတ်၊အတွေးတွေကိုဖြန့်ထုတ်လိုက်စမ်းပါ။ မြန်မာပြည်မှာ၊ မကောင်းတဲ့ဗိုလ်ချုပ်တွေ၊ ဘယ်သူမှအသေမလှဘူး။ သေပြီးရင်နာမည် ဆိုးပဲကျန်တာ။ မောင်မင်းကြီးသားတို့ဗိုလ်ချုပ်အောင်ဆန်းကောကြားဖူးရဲ့လား။ “တစ်ထောင်ကိုးရာလေးဆယ့်ခွန်၊ ပြောင်းကြွတမလွန်၊ မျက်ရည်သွန်လို့ဘ၀င်ညှိုးဇူလိုင်တဆယ့်ကိုး” တဲ့။
ပျော်လို့လက်အညောင်းခံရေးပြနေတာမဟုတ်ဘူး။ မကြားဖူးရင်သိအောင်ပြောနေတာ။ ဗိုလ်ချုပ်ကျဆုံးတာရာစုနှစ်တစ်ဝက်ကျော်ခဲ့ပြီ။ ဒီနေ့အထိနာမည်ကောင်းရတယ်။ အကုန်သိတယ်။ မင်းတို့ရဲ့ ဂျိုကုပ်မှူးကြီးလည်းကောင်းကောင်းသိတယ်။ ရူးချင်ယောင်ဆောင်နေလို့၊ သဘောပေါက်။ သူရူးတာကကိစ္စမရှိဘူး။ မင်းတို့ကိုပါအရူးဇာတ်သွင်းနေတာကလား။ သူသေရင် (၆)ရက်တောင်လူလွမ်းပါ့မလား။ မထင် ပေါင်။ တရားသဘောဆိုတာ သိပ်အလေးအနက်ကြီးပြောနေစရာမလိုသေးဘူး။ ထားလိုက်ဦး။ သဒါဂမ်တို့၊ အနာဂမ်တို့၊ ရဟန္တာတို့၊ နိဗ္ဗာန်တို့ကို၊ အဝေးကြီး၊ လူဝတ်ကြောင်ဘ၀နဲ့တင်အပါယ်တံခါးပိတ်စေတဲ့နည်းတွေ၊ အများကြီး၊ သောတပန်ပေါ့ဗျာ။ ဘာမှမဟုတ်ဘူး။ ငါးပါးသီလလေးလောက်တော့လုံအောင်ထိမ်းထားပေါ့။ ထားလိုက်ပါဦးဗျာ။ ပုထုဇဉ်ဆိုတော့ကာ၊ အသောက်အစားလေးတော့ရှိမယ်။ မုသားမပါ၊ လင်္ကာ မချောဆိုတာလေးကလည်းရှိသေးတော့၊ “အာ”စမ်းပါ၊ နဲနဲပါးပါး။ ခုတော့ဖြင့်ဗျာ မြန်မာပြည်ကရှိသမျှ ဘုရားမထပ် စေရ၊ ဖူးပြနေတာပဲ။ ဖြစ်နိုင်ရင်ကျိုက်ထီးရိုးတောင်ပေါ် တိုက်လေယဉ်စီးပြီးနေ့တိုင်းသွားဖူးပြဦးမှာ၊ လေယဉ်ကွင်းမဆောက်နိုင်သေးလို့၊ လုပ်တဲ့အလုပ်ကဖြင့် ဘုန်းကြီးသတ်တာတဲ့။ သောက်တလွဲ။
ဒီမှာကိုယ့်ဆိတ်ဗိုလ်၊ ၀ိပဿနာစိတ်မ၀င်စားသေးရင်ခဏထားလိုက်ဦး။ သတိလေးနဲ့တော့ဆင်ခြင်စေချင်တာပေါ့။ စဉ်းစားစေချင်တာ ပေါ့။ပြောသာပြောရတာပါ။ မနေ့တစ်နေ့ကမှ၊ဘုန်းကြီးမိစ္ဆာ၊မီးတိုက်ပေးနေတဲ့အသံကြီးကြားလိုက်ရသေးတာပဲ။ ဘုန်းကြီးအစစ်တွေက၊ ထောင်ထဲမှာ၊ အရည်းကြီးတွေကဘုန်းကြီးကျောင်းမှာ။ သွားပြီပေါ့။ ကြားဖူးတယ်။ တစ်ယောက်မကောင်းတစ်ဖွဲ့လုံးတဲ့၊ ခေါင်သူ ကြီးစည်းဖေါက်နေမှတော့။ သွားပြီ။ သွားပြီ။ ပြည်ပြေးတွေကြောင့်တော့ပြည်မပျက်သွားနိုင်ဘူး။ ကြပ်ပြေးမိစ္ဆာတွေကြောင့်သာ သေချာပေါက် ပျက်မှာ။ ကြားဖူးသေးတယ်စီနီယာတစ်ယောက် ပြောသွားတာ၊ တပ်မတော်ပျက်ကြောင်း..... ကြည်း 30000 တဲ့။ စဉ်းစားစရာတွေပဲ။ ပြောချင်လွန်းလို့။

Read more...

ပေါက်ပင်ဇာတ်လမ်း

ဒီနေ့မော်စကိုမှာနဲနဲအေးတယ်။ ကျောင်းပိတ်ရက်ဆိုတော့ဘော်ဘော် အော်လံ ကြီးတို့၊ ဗီယက်နမ်ဈေးသွားကြတယ်လေ၊ ပြန်ရင်ကြေးအိုးတစ်ပွဲလောက်ဆွဲခဲ့ဦးလို့တောင်မှာလိုက်သေးတယ်။ဒီနေ့လာအော်ဆဲထားတာနည်းနေတယ်။ အဲဒါကြောင့် .....လျှာရှည်လည်းပျင်းပျင်းနဲ့ .. ကဲ .. ဟိုဖက်နားလေးလည်လည်သွားလိုက်ဦးမယ်။ လာလေရော့ .. Aerofloat ..... ဝေဟင်မှာ လေယာဉ် စီးလုံးငှားလို့ကြပ်ပြေးရောက်စေဗျား .........။

ခေတ်သစ်ပေါက်ပင်ဇာတ်လမ်း
ပေါက်ပင် .. ပေါက်ပင် .. ဘာလို့ ကိုင်း
ငါးပြေးလို့ .. ကိုင်း၊
ငါး .. ငါး .. ဘာကြောင့်ပြေး ..
ဗုံး .. ကွဲလို့ .. ပြေး ... ၊
ဗုံး .. ဗုံး .. ဘယ်သူခွဲ ..
ရဲဘော်ခွဲလို့ ..... ကွဲ၊
ရဲဘော် .. ရဲဘော် .. ဘာကြောင့်ခွဲ ..
ရိက္ခာပြတ်လို့ခွဲ၊
ရိက္ခာ .. ရိက္ခာ .. ဘာကြောင့်ပြတ် ..
ထောက်ပို့ဖြတ်လို့ ..... ပြတ်၊
ထောက်ပို့ .. ထောက်ပို့ ... ဘာကြောင့်ဖြတ် ..
တပ်ချုပ်ခိုးလို့ .. ဖြတ်၊
တပ်ချုပ်ကြီးက ဘာလို့ခိုး ..
ကုမ္ပဏီထောင်ဖို့ ..... ခိုး၊
ကုမ္ပဏီ .. ကုမ္ပဏီ .. ဘာကြောင့်ထောင် ..
ချမ်းသာချင်လို့ထောင်၊
ဘာလို့ .. ဘာလို့ .. ချမ်းသာချင် ..
မိသားစုအတွက်ပင်၊
မိသားစုကဘာလို့လဲ၊
စိန်နားကပ် ပန်ဖို့ပဲ၊
စိန်နားကပ်ကြီးက .. ဘာလုပ်ဖို့၊
မင်္ဂလာဆောင်ဝတ်ဖို့၊
မင်္ဂလာဆောင်မှာ၊ ဘာလို့ဝတ် ..
သိစေချင်လို့ပေါ့ ......... ဟဲ့ ။ ......... ဒီလောက်တောင်တုံးရသလား .....

(တောကြိုအုံကြားမှာ .. ရဲဘော်လေးတွေဟာ၊ ယမ်းသုံးပြီးတော့လက်လုပ်ဗုံးတွေနဲ့၊ ချောင်းထဲ၊ ဗုံးခွဲ ငါးရှာစားရပါတယ်ခင်ဗျာ။ ရိက္ခာ မပြည့်စုံတဲ့အခါမျိုးပြောတာပါ။)

Read more...

ရီချင်လိုက်တာဖတ်ဖတ်မော၊ ရင်ဘတ်နောက်ကကျော.....

လျှာရှည် ... လာပြီ ... ၀ူးထွား .. ထွား.. ထွား ... ဟား ဟား ဟား ...
ဒီမှာဆိတ်ဗိုလ်တို့၊ မဆိုင်တဲ့အပေါက်၊ ဂလိုင်နဲ့အတော်ခေါက်ကြသကိုး ... ယောင်္ကျားစစ်စစ်တွေလို့ကြုံးဝါးတယ်ဆိုရင် ... ဘာလို့သူများ ကိုအတင်းလိုက်စွပ်စွဲနေရတာတုန်း ... ကုလားမနိုင်ရခိုင်မဲ ... မယားမနိုင်တော့ .. အိမ်ကကြောင်လေးပိတ်ကန်မနေပါနဲ့။ ရန်ကုန်မှာထောက်လှမ်းရေးသင်တန်းတက်ခဲ့တုန်းက အိပ်ချည်းပဲငိုက်နေခဲ့တာလားဗျို့။ အဲဒါဆိုရင်တစ်ခေါက်လောက်ပြန်ပြီး၊ မင်္ဂလာဒုံ မှာထောက်လှမ်းရေးသင်တန်းအကြိမ်(၁၀၀)လောက်ပြန်တက်လိုက်ဦး။

ပြောချင်လွန်းလို့ပါဗျာ ... အခု (န.အ.ဖ) မတိုင်မီ (န.၀.တ) တက်စတုန်းကပေါ့။ ရန်ကုန်ပြည်လမ်း၊ ပဲခူးကလပ်မှတ်တိုင်မှာရှိတဲ့ဝန်ကြီးရုံး တစ်ရုံးရဲ့ အတွင်းမှာလေ။ အချိန်ကညဘက်မှောင်ရီပျိုးစလေး၊ ရုံးရှေ့မြက်ခင်းပြင်မှာ ဒင်နာပွဲလေးတစ်ခုလုပ်ခဲ့ပါရောလား။ သံတမန်ကိစ္စနဲ့ပတ်သက်တော့နိုင်ငံခြားသားတွေလည်းတက်လာကြတယ်။အဲ ... နိုင်ငံတော်လူကြီးမင်းများဆိုတာလည်း အစုံအညီတက် ရောက်ကြပါရောလား။မြက်ခင်းရဲ့ဘေးနားလေးမှာတော့၊တီးဝိုင်းအဖွဲ့ကချိုတေးသံသာ၊ အိပ်ချင်စရာတေးသွားလေးနဲ့ ချော့သိပ်ပေး နေလေရဲ့။ သတ်မှတ်ထားတဲ့အချိန်နဲနဲကျော်လွန်လာတဲ့အထိ၊ နိုင်ငံတော် လူကြီးမင်းများကြွမလာသေးတော့၊ ဧည့်ပရိတ်သတ်များဝင် ပေါက်ဆီ စောင်းလှည့်ကြည့်သူကကြည့်နေကြပြီလေ။

အဲဒီအချိန်မှာပဲ မင်းသားကြီးဗိုလ်ပြုတ်ခင်ညွန့်တစ်ယောက်၊ ဖင်ကလေးကော့ပဲ့၊ ကော့ပဲ့နဲ့ဝင်ချလာပါရော။ ပြီးတော့စပ်ဖြီးဖြီးမျက်နှာပေး နဲ့ နိုင်ငံခြားသားဧည့်သည်များကို လက်ဝှေ့နှုတ်ဆက်လိုက်တယ်။ အသံကလေးကပါသေး၊ “Sorry, I' m late ” တဲ့။ ပြီးတော့ သူ့ခုံမှာသွားထိုင်နေတယ်။ ပွဲကသူတစ်ယောက်တည်းမပြီးဘူးလေ။ လာပါပြီ .. နောက်တစ်ယောက်၊ ဗိုလ်ခင်ညွန့်နဲ့ မရှေးမနှောင်းဝင် ချလာသူကတော့သိတော်မူကြတဲ့အတိုင်း၊ ဗိုလ်ချုပ်မောင်အေးပါတဲ့ခင်ဗျား။ ... သူလည်းအဲလိုပဲ .. စောင်းငန်း၊ စောင်းငန်းနဲ့လျှောက်ချ လာပြီး၊ ဗိုလ်ခင်ညွန့်လိုပဲ ဧည့်ပရိတ်သတ်အပေါင်းကိုနှုတ်ဆက်ရှာတယ်။ ဘိုလိုလေ .. “Sorry, I 'm too late” ဆိုပဲ။ အင်း .. သူနဲ့လည်းပွဲမစနိုင်သေးပါဘူး။ ဗိုလ်မောင်အေးနောက်၊ နောက်ဆုံးဝင်လာတဲ့ ပုဂ္ဂိုလ်ကြီးကိုထပ်စောင့်ရပြန်တယ်။ ခဏပါ။ တစ်ဆက်တည်းဝင်လာသူကတော့။ အောဂလီဆန်စရာ၊ အော်စရာဆုများပိုင်ရှင်ကမ္ဘာကျော်မင်းသားကြီး ဗိုလ်သန်းရွှေပဲပေါ့။ အိုကေ .. ပရိတ်သတ်ကြီးလှုပ်လှုပ်ရွရွဖြစ်လာပြီ။ ပွဲစနိုင်တော့မှာလေ။ ဘောတ်ဆတ်၊ဘောတ်ဆတ်နဲ့ဝင်လာပြီးတော့ သူခဏစဉ်းစားတယ်။“အင်း ငါ့ရှေ့ကကောင်တွေကတော့ ဘိုလိုမှုတ်သွားပြီ။ ငါလည်းမှုတ်ရမှာပေါ့။ မောင်ခင်ညွန့်ကပထမဆုံးဝင်တဲ့သူ၊ “ I 'm late ” ဆိုပဲ၊ မောင် အေးကြီးကဒုတိယ၀င်တဲ့သူ၊ သူက “ I'm too late ” ၊ ဆိုတော့၊ကဲ .. ငါသိပြီ၊ ငါကတတိယလူ၊ အိုကေ ... “I ' m three late” ၊ ဗဲရီးဆောရီးတောကြီးမြိုင်လယ်၊ ဆိုပဲဗျာ။

အဲဒါကြောင့် (စ.ရ.ဖ)(မော်စကိုဌာနခွဲ) မှဆိတ်ဗိုလ်များ၊ ဗိုလ်ခင်ညွှန့် ပါခဲ့တဲ့ အီးအီးတုံးလေးတွေရှာပြီးစားလိုက်ပါဦး။ ပြောသာပြောရ တာရှာတွေ့ပါ့ဦးမလားမသိဘူး။ ညံ့ချက်ကတော့ကမ်းကုန်ပေတယ်။

သီချင်းလေးတစ်ပုဒ်စပ်ထားတာရှိတယ်။ အားလုံးတော့မပြီးသေးပါဘူး။ City FM နှစ်ပတ်လည်တုန်းကအဆိုတော် “R ဇာနည်” ဆိုခဲ့တာ လေ။ သီချင်းနာမည်က “ရင်ခွင်သစ်” တဲ့။ Chrous အပိုဒ်လေးပဲပြီးသေးတယ်။ Verse (1),(2), နဲ့ (3) ကိုတော့ အဆိုတော်သီချင်းရေး ဆရာ၊ မျိုးကျော့မြိုင်၊ ဘာဘူ၊ နဲ့ ရဲလေးကို အပ်ထားတုန်းပဲ။ တကယ်တော့ ထူးအိမ်သင်ကိုပဲအပ်ချင်တာ၊ အသေစောလို့ဗျ။ သီချင်းအ လိုက်လေးရကြတယ်မဟုတ်လား။ Chrous သက်သက်နော်၊

“ မော်စကိုမြို့ကိုသွားတဲ့ ဆိတ်ကလေးရယ်၊ အေး .... လွန်းလှတယ်။ ပြည်တော်မပြန်နိုင် ... ကျန်ခဲ့ရင်၊ မော် .. စကိုမှာနေမလား၊ အီရန် မှာခိုလှုံမလား၊ တွေးကြည့်စမ်းပါ ” ... (၂) ခေါက်ဆိုရန် ..
လျှာရှည့်ဘလောက်(ဂ်)လည်း၊ငြိမ်းချမ်းတို့ကတဲ့ပွဲလိုဖြစ်နေပြီဗျာ......(ရင်ထဲကိုအေးမြသွားတယ်၊ဆိတ်ကလေးရေ.......) “သိချင်လိုက်တာဝက်ဝက်ကွဲ၊ဆိတ်ဗိုလ်သောက်တလွဲ” ။ “ရီချင်လိုက်တာ ဖတ်ဖတ်မော၊ ရင်ဘတ်နောက်ကကျော” ။

Read more...

ပြောချင်လွန်းလို့ (၃)

လျှာရှည်စိတ်မကောင်းပါဘူး၊ ဘာလို့လဲဆိုတော့ မနေ့က “ပြောချင်လွန်းလို့ (၂)” တင်လိုက်ပြီးတော့၊ နောက်တစ်ပတ်လောက်မှပဲ (၃)ကို ဆက်ရေးရတော့မယ်ထင်နေတာ။ ခုတော့ဘယ်ဟုတ်မလဲ။ စီဘောက်ထားထားတာအလကားမှမဟုတ်တာ။ အဲဒီအထဲကပဲလူတွေရဲ့ သရုပ်သကန်ခွဲခြားမှတ်တမ်းတင်နိုင်ပေတာကိုး။ အော်ထားတာလေးတွေဖတ်မိပြီး၊ရေးစရာလေးတွေတွေ့လာတဲ့အခါကျတော့၊ ဟိုက်..ယား...ပျော်ရပြီပေါ့။တချို့ကလည်းမေးကြတယ်။ ဒီဘလော့ကဘာကြီးလဲပေါ့။ ဖြေစရာမလိုအောင်တဖြေးဖြေးနဲ့တော့ရုပ်လုံးပေါ်လာမှာ ပါဗျာ။ အဲဒါကြောင့်ထပ်ဖွလိုက်ဦးမယ်။ ဆိတ်ဗိုလ်များအတွက်သာဆိုတာပါ။
နာလိုခံခက်အမျက်ထွက်ကြတဲ့ဆိတ်ဗိုလ်များ တအားအဆဲသန်တော့တာကိုး။ သို့သော်ပြောပြပြီးသားပါ။ ဘယ်သူမဆိုဆဲနိုင်တယ်လို့။ မိန်းကလေးတွေအတွက်ကတော့ ဒီနေရာအင်မတန်မလျော်ကန်ပေဘူး။ ဒါပေမယ့်၊ ယောင်္ကျားချင်းကတော့ခပ်ပါးပါးပဲမဟုတ်လားဗျို့။ ဆဲစမ်းကြိုက်သလောက်။ လောလောဆယ်မှာသူတို့ဆဲတာတွေကသိပ်အစီအစဉ်မကျသေးဘူးဆိုတော့ကာ၊ မေမြို့ကစာပေဌာနမှာအဆဲ ဘာသာရပ်တစ်ခုသီးခြားဖွင့်လှစ် သင်ကြားပေးနိုင်ဖို့ အကြံပြုရဦးမယ်။ အဲဒါမှခါးအောက်ပိုင်းလောက်သာဆဲတတ်တဲ့အရာရှိမင်းတချို့အ ဆင့်မြင့်မြင့်ဆဲတတ်သွားမှာ။ ဒီမနက်ဆီဗုံးလျှောက်ဖတ်ဖြစ်ပါတယ်။ ထူးဆန်းသလိုနဲ့ဘာမှမထူးဆန်းတဲ့ဘာသာစကားနဲ့ပြောဆိုဆွေး နွေးနေကြတာကိုမြင်လိုက်ရသဗျာ။ ဒီလိုပါတဲ့ ပရိတ်သတ်ကြီးရေ .....

ဆိတ်ဗိုလ်နဲနဲပါးပါးဝင်လာပြီးပြောသွားကြတာလေးပါ။ အရှေ့ပိုင်းတွေမှာဘာတွေပြောသွားသလဲတော့ မမီလိုက်လို့မသိရပေဘူး။ ဒါပေ မယ့်ရသလောက်တော့မှတ်ထားပြီးပြန်တင်ပေးထားပါတယ်။ စိတ်ဝင်စားသူများအောက်မှာသပ်သပ်ယူကြည့်နိုင်ပါတယ်။ တစ်ယောက် သောဆိတ်ဗိုလ်ကစမေးလာပါတယ်။ လျှာရှည်ဆိုတာဘာကောင်လဲ၊ ဘယ်မှာနေသလဲ၊ ဘယ်ကျောင်းမှာတက်ပြီးတော့၊ အမှတ်ဘယ် လောက်ရသလဲ၊ ဖြစ်နိုင်ရင်ပြောပြပေါ့၊ ဘာညာပေါ့ဗျာ။ ဒါပေမယ့်လျှာရှည်အမှန်အတိုင်းပြောပြပါ့မယ်။ အဲဒီနေရာအထိတော့ဒီပုဂ္ဂိုလ် လုံးဝမဆဲဘူးခင်ဗျ။ တော်တော်ယဉ်ကျေးပါတယ်။ ဘာလို့လဲဆိုတော့သူ့ရုရှားဘာသာစကားအဆင့်ကဆဲတတ်ဖို့မပြောနဲ့၊ Case တွေနဲ့ ညှိပြီးတော့ Vocabulary တွေမှာ Ending ဆိုတဲ့အဆုံးသတ်စကားလုံးတွေမှန်အောင်မသုံးစွဲတတ်သေးလို့ပဲ။ ပြင်သစ်ဘာသာစကား လေ့လာလိုက်စားသူများ ကျွန်တော်မျိုးဘာဆိုလိုတာကောင်းကောင်းသဘောပေါက်ပါလိမ့်မယ်။ ရုရှားမှာလည်းအဲလိုပဲလေ။ သက်ရှိ၊ သက်မဲ့နာမ် ဟူသမျှကို၊ လိင်ခွဲခြားသတ်မှတ်ထားတာမို့၊ မြန်မာနဲ့တော့လားလားမှမဆိုင်ဘူးဗျို့။ အင်္ဂလိပ်မှာ Street ဟာStreet ပါပဲ။ လမ်းထီး၊ လမ်းမဆိုတာကြားဖူးကြလား။ အင်း .. ပြင်သစ်ဘာသာ သေချာမသိပေမယ့်၊ ရုရှားကတော့ခွဲသဗျ။ လမ်းအထီးရှိသလို လမ်းအမလည်းရှိပေသကိုး။ကျယ်ပြောပြန့်ပြူးတဲ့လမ်းမကြီးကို (အူလစ်ဆာ) လို့ခေါ်သလို၊ ရန်ကုန်က တက္ကသိုလ်ရိပ်သာလိုလမ်းမျိုးကျ တော့ (ပရောစ် ပြက်) လို့ခေါ်တယ်ဗျ။ အဲ .. အူလစ်ဆာကတော့ သူ့စံနစ်အရ (အမလိင်)ပေါ့ဗျာ။ ဒုတိယကတော့(အထီးလိင်)ပေါ့။ အဲဒါနဲ့လည်းမပြီးသေးဘူးပဲ။ နာမ်တွေအားလုံးခွဲခြားသတ်မှတ်ရသလို၊ အဲဒါတွေကိုမူတည်ပြီးတော့ Case (6) မျိုးနဲ့ညှိပြီးမှ ၀ါကျတစ် ကြောင်းတည်ဆောက်လို့ရသဗျ။ အင်း .. ပြီးပြီလားဆိုတော့ မပြီးသေး .. တစ်ခါ ကာလတွေနဲ့ထပ်ညှိ အမလေး .. ရှုပ်လိုက်တာဗျာ။ ကျွန်တော်မျိုးတကယ်လေးစားပါတယ်။ ဒီရုရှားဘာသာစကားကိုသင်ယူနေတဲ့ပုဂ္ဂိုလ်တွေကို ။

ဒါပေမယ့်ပြဿနာကပြောပြီးပြီပဲ။ နေရာတကာ ငါသိ ငါတတ်လုပ်ချင်တဲ့ဆိတ်ဗိုလ်တွေအင်မတန်ခက်ပါလားဗျာ။ မေးထားလိုက်တာက လျှာရှည်ကိုအမှတ်ဘယ်လောက်ရသလဲတဲ့။ အင်း ..အဲဒီအမှတ်ကသူ့သောက်ရှက်ပြန်ခွဲတာပဲ။ သြော် .. ဖြစ်တတ်ပါတယ်။ စီဗုံးဆိုတော့ စာလုံးပေါင်းမှားနှိပ်မိတာနေမှာပေါ့လို့။မဟုတ်ဘူးပဲဗျ။ ခုနကပြောသလိုအခြေခံ Case လေးတောင်ညှိမပြောတတ်တဲ့သူ့ကို တစ်ယောက် က၀င်ထောက်ပေးပါတယ်။ ဘရားသားရေ ..မှားနေတယ်ပေါ့။ အမယ်.. မောင်မင်းကြီးသားက ငါ၊ ဒီရောက်တာကြာပြီတဲ့၊မင်းက ဘာလဲ၊ဘယ်ကလဲပေါ့ဗျာ။ဟိုကသေချာပြန်ရှင်းပြတယ်။ဒီစာလုံးမှားနေတယ်။ ဒီဝါကျဒီလိုမပြောရဘူးဘာညာပေါ့။ ခင်ဗျားအဘိဓါန်လေး တော့သုံးသင့်တယ်၊ငြင်းနေကြသေးတယ်ဗျာ။ပြီးတော့မှအချင်းချင်းတော်တော်ညှိယူလိုက်ကြရပါတယ်။ ပြည်သူတွေကိုသာ ဗိုလ်ကျချင် ကြတာ။ သူတို့အချင်းချင်းတောင်ဆရာလုပ်တာမခံချင်ကြပါလား။ သူတို့ပြောနေတာကြားဖူးတာရှိတယ်။ စစ်ဗိုလ်ဆိုတာအနာဂတ် ခေါင်းဆောင်ဆိုပဲ။ တိုင်းပြည်အတွက်ရင်လေးပါ့။ အားလုံးတော့မဟုတ်ဘူးပဲ။ ၀င်ထောက်ပေးရှာတဲ့ပုဂ္ဂိုလ်လေးကတော့အဲဒီကပါပဲ။ မဆိုးဘူးဗျ။ပထမဆိတ်ဗိုလ်ကတောင်ထင်လိုက်သေးတယ်။ လျှာရှည်ဆိုတာမင်းလားပေါ့။ အဲဒါကိုဝင်ထောက်ပေးတဲ့တစ်ယောက်ကပြန် ရှင်းပြတာ၊ မြန်မာပြည်ကဆိုရင် သူအင်တာနက်သုံးလို့ရပါ့မလားတဲ့။ (၀န်ခံသွားသေးတယ်နော်၊ ရုရှားမှာဆိုရင်အင်တာနက်ကောင်း ကောင်းသုံးလို့ရတယ်ဆိုတဲ့သဘောပေါ့ဗျာ)။ အဲဒီမှာတစ်ခါနောက်ထပ်တစ်ယောက်ဝင်လာတယ်နဲ့တူပါတယ်။သူကလည်းသူသိတာလေးဝင်ပြောတယ်။ ရုရှားကတော့မဟုတ်လောက်ဘူး။

သူ့သူငယ်ချင်းတစ်ယောက်ဆီကကြားဖူးတာတဲ့ (Da နဲ့ Nyet ပြော. ဟာရာရှော) ဆိုပဲ။ မှန်လိုက်လေကိုယ့်လူရယ်။ စာမေးပွဲတွေမှာ ဘာမှမသိရင် “ဒါး” (Yes) သို့မဟုတ် “ညက်” (No) တစ်ခုခုသာပြောလိုက်တဲ့၊ အဲဒါနဲ့တင် “ဟာရားရှော”ဆိုတဲ့ဂရိတ်ဖိုးတန်းရသတဲ့။ အခြေအနေကပိုဆိုးသွားပါလား။ အဲဒါကြောင့်သူတို့တစ်တွေ မအားမယား လျှောက်အော်နေနိုင်တာကိုး။ ကဲ .. ဒီလိုပဲလုပ်လိုက်ကြရ အောင်လေ။ ပြောချင်ရာပြော“ဟားရားရှော”ပေါ့။ “လျှာရှည်” ရင်ထပ်လေးပြန်ပြီဗျာတို့။ အင်း .. နဲနဲလေးပိုသိတဲ့ဒုတိယတစ်ယောက်က ပထမဆိတ်ဗိုလ်လေးလောက်တော့မစွာရှာဘူး။ ဒါပေမယ့်အဲဒီဗိုလ်လေးက၊ သူလည်းဒီဘလော့မှာ ရေးထားတာတွေမကြိုက်ပါဘူးတဲ့။ ကျွန်တော်မျိုးသူတို့အကြိုက်လုပ်တာမဟုတ်တော့ .....

ကျွန်တော်ဘာမှဆက်မပြောတော့ပါခင်ဗျား။ စိတ်ဝင်စားသူများ၊ အောက်မှာ Download လုပ်ယူပြီးကြည့်နိုင်ပါတယ်။

Post တင်ကာနီးလေးမှာပဲနောက်ထပ်ဆွေးနွေးကြတာလေးတွေပါထပ်တင်လိုက်ပါတယ်ခင်ဗျာ။ အဲဒီမှာဝင်ပြောတဲ့တစ်ယောက်ကိုတော့ လျှာရှည်လည်းမျက်စိလည်သွားပါတယ်။ “စွယ်စုံရ” ခေါ် “ရုရှားကစစ်သည်” ပါတဲ့ခင်ဗျား။ အင်မတန်စိတ်ဝင်စားဖို့ကောင်းပါတယ်။ဖတ် ကြည့်ကြပါလို့တိုက်တွန်းပါရစေ။ တဆက်တည်းရုရှားမှာအင်မတန်ယဉ်ကျေးသိမ်မွေ့တဲ့ စစ်ဗိုလ်လူငယ်များရှိနေတယ်ဆိုတာတင်ပြချင် ပါတယ်ခင်ဗျာ။ဒါကြောင့်ဖြစ်နိုင်ရင်အားလုံးကိုကိုသိမ်းကြုံးပြီးမဆဲကြပါနဲ့လို့ လျှာရှည်မေတ္တာရပ်ခံလိုပါတယ်။ မောက်မာရိုင်းပျတဲ့စစ်ဗိုလ် များကိုတော့သဘောရှိကြိုက်သလိုဆက်ဆံနိုင်ပါတယ်။ ဖြစ်နိုင်ရင်အောက်မှာတင်ထားတဲ့ PDF File လေးတွေကိုဖတ်ကြည့်စေချင် ပါတယ်ခင်ဗျာ။ အောက်မှာတင်ပေးထားတဲ့ဖိုင်(၈)ခုကိုဖတ်ပြီးမှ စီဗုံးထဲကတိုက်ရိုက်ကူးထားတဲ့အောက်ဆုံးကစကားပြောခဲ့တာတွေဖတ် စေချင်ပါတယ်။ ဆွေးနွေးတာတွေ၊ ဆဲတာတွေကြားထဲမှာတော့ လျှာရှည်က၊ စာဖတ်ရုံ၊ မှတ်တမ်းတင်ရုံပါပဲခင်ဗျာ။ ကာယကံရှင်များ လျှာရှည့်ကိုနားလည်ပေးနိုင်လိမ့်မယ်လို့ထင်ပါတယ်။ ဆီဗုံးကစာတွေကိုတော့ထုံးစံအတိုင်းအောက်ဆုံးကနေစဖတ်ပေးပေါ့။ ။
http://www.mediafire.com/?6zd1fgy2rty0
http://www.mediafire.com/?ax5ndlxyhzey
http://www.mediafire.com/?cdn2z3z1meb
http://www.mediafire.com/?btonzhbexvzd
http://www.mediafire.com/?dn9s09nasmtjm
http://www.mediafire.com/?80w03k9qiiew
http://www.mediafire.com/?5gzdir1pyzv
http://www.mediafire.com/?3zdl9mdtzzdzm

အဟမ်း: ကောင်းသောညပါ 5 Oct 07, 05:27

အဟမ်း: အိုကေဗျာ 5 Oct 07, 05:26

အဟမ်း: သူတို့က အတင်းလို ရေးတော့ စစ်သားလည်း စည်းရုံးလို့ မရ..နားကျည်းကုန်တာပဲ ရှိတယ် 5 Oct 07, 05:26

အဟမ်း: ပြီးတော့ ဘလော့တွေကလည်း သတင်းကို သတင်းလိုပဲ ရေးစေချင်တယ် 5 Oct 07, 05:26

မြန်မာလူငယ်: ကဲ လစ်တော့မယ်ဗျာ။ နောက် ဆုံကြသေးတာပေါ့။ 5 Oct 07, 05:26အဟမ်း: အဲလို ဖြစ်ကုန်တော့ နာကျည်းကုန်တာပဲဗျို့ 5 Oct 07, 05:25

မြန်မာလူငယ်: ဆဲကြတာတွေကတော့လည်း တကဏ္ဍပေါ့ဗျာ။ နှစ်ဖက်စလုံးက ဆဲနေကြတော့လဲ ခက်တယ်။ စိတ်ကို ဆဲတာနဲ့ ထွက်ပေါက်ပေးနေကြသလားတော့ မပြောတတ်ဘူး။ 5 Oct 07, 05:24အဟမ်း: အမုန်းတရားတွေ ပဲ တိုးလာတာပဲ အဖတ်တင်တယ် 5 Oct 07, 05:24အဟမ်း: တယုသန် အရပ်သား နဲ့ စစ်သားလည်း ရှိမှာပေ့ါဗျာ။ ကိုယ်ခံရလို့ ပြန် အော်ဟစ်နေတာ 5 Oct 07, 05:23အဟမ်း: စီပုန်းတွေ မှာ အော်ဟစ် ဆဲနေမဲ့ အစား မေတ္တာ တရားနဲ့ လိုက်ဆွေးနွေးစေချင်ပါတယ် 5 Oct 07, 05:23

မြန်မာလူငယ်: ဒီစကားကြားရတာ ၀မ်းသာပါတယ်။ 5 Oct 07, 05:22

အဟမ်း: ကျွန်တော် အမျိုးတွေ အဖေတွေ အမေတွေ လည်း ပြည်သူပဲဗျာ။ ကျွန်တော် ဘယ်လုပ်ရပ်ပမလည်း 5 Oct 07, 05:22

မြန်မာလူငယ်: ကျနော်ထင်ပါတယ်ဗျာ။ တခြားသော သာမန်ပြည်သူတွေလဲ အဲဒီလိုပဲ ခံစားနေရမှာပါ။ သူတို့လိုချင်နေတာ သူတို့အပေါ်ထားတဲ့ စေတနာပါ။ ရိုးရိုးလေးပါပဲ။ 5 Oct 07, 05:21

အဟမ်း: ကျွန်တော် လည်း ပြည်သူပါပဲ။ ပြည်သူတာဝန် ထမ်းဆောင်ချင်လို့ တပ်ထဲဝင်ခဲ့တာ။ ပစ်တာခက်တာ မျိုးတော့ ကျွန်တော် တသက် ပြည်သူကို မလုပ်စေရဘူးလို့ ကျိမ်းထားပါတယ် ဘုရားမှာ 5 Oct 07, 05:21

မြန်မာလူငယ်: ဒီတော့ ခင်ဗျားသာ တကယ်ကို စစ်သား တယောက်ဆိုရင် ပိုဝမ်းသာပီပေါ့။ ခင်ဗျားလို စစ်သားမျိုးတွေ တပ်ထဲမှာ များများ၇ှိလာရင် ကျနော်တို့ ခံစားချက်တွေကို နားလည်သူ များများရှိပီပေါ့။ 5 Oct 07, 05:20

အဟမ်း: သေချာပါတယ်။ ကျွန်တော် စစ်သားပါ 5 Oct 07, 05:19

အဟမ်း: ဆွေးနွေးသင့်ပါတယ် 5 Oct 07, 05:19

မြန်မာလူငယ်: အခု ကျနော် ခင်ဗျားကို မသိဘူး။ ခင်ဗျားပြောပုံအရ စစ်တပ်ကလို့ ခန့်မှန်းမိတယ်။ ဒါပေမယ့် မသေချာဘူး။ ဒါပေမယ့် ကျနော်အခု ပြောနေတာကို နားလည်မှုပေးလိုက်တာနဲ့တင် အားတော်တော်ရှိသလို ဖြစ်တယ်။ 5 Oct 07, 05:19

အဟမ်း: စဉ်းစားသင့်ပါတယ် 5 Oct 07, 05:19

အဟမ်း: သေချာပါတယ်

Read more...

ပြောချင်လွန်းလို့ (၂)

“တပ်တွင်းပြိုကွဲမှုတွေကတော့ဖြစ်မှာပါ၊ သေချာပါတယ်။ ထိပ်ပိုင်းဆိုင်ရာကွဲပြဲမှုတွေကတော့အမှန်ပဲဆိုတာကျွန်တော်တို့တွေ့နေရတယ် လေ။ လက်ရှိဆန္ဒပြပွဲတွေဟာ(၈၈)နဲ့မတူဘူး။ (၈၈)တုန်းကတော့ဆန္ဒပြသူတွေကို ကွန်မြူနစ်တွေလို့ စွပ်စွဲပြီး၊ လိမ်ညာသတ်ခိုင်း ခဲ့လို့ရခဲ့ပေမယ့်၊ ..အခုကျတော့မေတ္တာတရားကိုပွားပြီးတိုင်းပြည်မှာပြုပြင်ပြောင်းလဲဖို့လုပ်တဲ့သူတွေကသာမန်လူတွေမဟုတ်ဘူး။ ဘုရား သားတော်တွေလေ၊ ငြိမ်းချမ်းရေးကိုလိုလားတဲ့သူတွေ၊ သာသနာထမ်းရွက်နေသူတွေ၊ ဒီသံဃာတော်တွေကိုဘယ်လိုပုံစံနဲ့ စွပ်စွဲမလဲ၊ ဒါတွေကိုပစ်သတ်ခိုင်းတော့၊အမိန့်ပေးတဲ့နေရာမှာ၊ လူစိတ်ရှိတဲ့တပ်မှူးတွေနဲ့၊ ရမ်းကားလိုတဲ့တပ်မှူးတွေဆိုတာ၊ ဒီတိုက်ပွဲကတော့ဒီ လိုရှိနေမှာပဲ၊ ဒီမှာကိုကွဲနေပြီ။ ဥပမာ..ရန်ကုန်မှာပစ်တယ်၊ မန္တလေးမှာမပစ်ဘူး။ နယ်တွေမှာမပစ်ဘူး။ ပစ်မိန့်ပေးတာတော့အတူတူပဲ။ ပစ်တဲ့နေရာပစ်တယ်၊မပစ်တဲ့နေရာမပစ်ဘူးဆိုတော့၊ ဒါ.. တပ်တွင်းမှာအဓိကသဘောထားကွဲလွဲမှုကိုပြနေတာပဲလေ။ စိတ်ကောင်းရှိတဲ့ တပ်မှူးတွေကမြန်မာပြည်မှာပေါ်လာမှာပဲ။ ”
အဲဒီလိုဆွေးနွေးတဲ့အသံတွေကြားနေရတာနဲ့ပတ်သက်ပြီးတော့၊ မနေ့ကကြားရတဲ့သတင်းတစ်ခုကတော့ “ဟို..ဘုန်းကြီးတွေကိုပစ်ဖို့၊ စီမံချက်တွေဘာညာ..သိတယ်လေ၊ အဲ.. ဘုန်းကြီးတွေလမ်းလျှောက်တာလည်းတွေ့တယ်။ နောက်ဘုန်းကြီးတွေကိုရိုက်မယ်၊ ပစ်မယ် ဆိုတဲ့အမိန့်ပေါ့၊အဲဒါကိုသိတာနဲ့၊ အမိန့်ပေးတော့မယ်၊ လုပ်ရတော့မယ်ဆိုတော့ .. ဘုန်းကြီးတွေကိုမသတ်ချင်ဘူး၊ ဘုန်းကြီးဆိုတော့ ကိုယ့်ဗုဒ္ဓဘာသာပဲလေ၊ဘုရားရဲ့သားတော်တွေပဲ။အဲဒါကြောင့်ဒီဘက်ကိုတာဝန်..တာဝန်စွန့်လွှတ်ခဲ့တာ..။” မြန်မာ့တပ်မတော်ကထွက်ပြေးလာတယ်ဆိုတဲ့ ဗိုလ်မှူးဌေးဝင်းပြောသွားတာဖြစ်တယ်။ သူနဲ့အတူသားဖြစ်သူလည်းလိုက်ပါလာတယ်တဲ့။ တပ်မ(၉၉)က အဲဒီဗိုလ်မှူးဌေးဝင်းကို နော်ဝေးရုပ်မြင်သံကြားဌာန (တီဗွီ-၂)ကတွေ့ဆုံမေးမြန်းခဲ့တယ်။ အဲဒီအထဲမှာဗိုလ်မှူးဌေးဝင်း ကသူ့ရဲ့တပ်မတော်အရာရှိကဒ်ပြားကိုလည်းပြသခဲ့ပါတယ်။ ကိုယ်ပိုင်နံပါတ်(၁၇၆၈၃)ဗိုလ်မှူးဌေးဝင်းက သူဟာရဟန်းသံဃာတွေကိုပစ် ဖို့၊ရိုက်ဖို့ပေးတဲ့အမိန့်တွေကိုမလိုက်နာနိုင်တဲ့အတွက်ထွက်လာတာလို့ပြောခဲ့ပါတယ်။ ဗိုလ်မှူးဌေးဝင်းဟာ ပစ်မိန့်ပေးတာကိုငြင်းပယ်ခဲ့သ လား၊ ပစ်မိန့်မပေးခင်ကတည်းကထွက်လာခဲ့တာလားကိုတော့ ရှင်းရှင်းလင်းလင်းမသိရသေးပါဘူးတဲ့ခင်ဗျာ။
ဒီနေရာမှာပြောချင်တာတစ်ခုကတော့ ဗိုလ်မှူးဌေးဝင်းဟာတိုင်းပြည်ကနေထွက်ပြေးလာတာမဟုတ်ဘူးဗျ။ သူဟာလုပ်သင့်လုပ်ထိုက်တဲ့ အလုပ်တစ်ခုကိုစံပြလုပ်ပြသွားတာ။ ကျန်တဲ့တပ်မတော်သားတွေအတုယူစေချင်စမ်းပါဘိတော့။ သူ့အနေနဲ့လုပ်ပိုင်ခွင့်ရှိခဲ့ပေမယ့်၊လုပ် လည်းလုပ်နိုင်ခဲ့ရဲ့သားနဲ့ ဗိုလ်သန်းရွှေလိုအ၀ိစိထိုးဆင်းဖို့မကြိုးစားခဲ့ဘူး။ ဦးညွတ်ဂုဏ်ပြုသင့်ပါတယ်။ အထဲမှာဒီလိုဗိုလ်မှူးတွေအများ ကြီးရှိနေသေးတယ်။ ထုံးစံအတိုင်းခေါင်းအဖြတ်ခံထားကြရတာဆိုတော့။ အချိန်အတိုင်းအတာတစ်ခုထိတော့စောင့်ကြရဦးမှာပေါ့။ တ ဆက်တည်း၊ ရုရှားကလက်တစ်ဆုပ်စာဆိတ်ဗိုလ်တို့ကရော.. (လျှာရှည်လိုက်ဦးမယ်၊မနေ့က၊ဒီဆိတ်ဗိုလ်ဆိုတာလေးကြားလိုက်ရလို့)၊ ဒီ ဗိုလ်မှူးဌေးဝင်းကိုဘယ်လိုသဘောရကြတုန်း၊ ထုံးစံအတိုင်းပြောဦးမှာပဲမဟုတ်လား၊ တိုင်းပြည်ကိုသစ္စာဖေါက်တာတို့၊ အလုပ်အကျွေး မပြုချင်တာတို့၊ သူများဆီကျွန်ခံတာတို့၊ ကြားယောင်နေတယ်နော်။ စကားလုံးလေးတွေပြောင်းသုံးကြည့်ကြပါဦးလား၊ သူများကတော့ လုပ်သင့်တာလုပ်လိုက်ပြီ။ အခုထက်ထိယောင်နေတုန်း။ စဉ်းစားကြပါ။ မြန်မာစစ်တပ်တစ်တပ်လုံးပေါင်းလိုက်ရင် ငါးသိန်းပြည့်ပါ့မလား၊ အဲဒီအထဲကမှတစ်နှစ်ထွက်ပြေးတဲ့စစ်သားကတပ်မတစ်တပ်စာ၊ ပြည်သူဘက်ပါချင်တဲ့တပ်မတော်သားကအနည်းဆုံးတစ်ဝက်လောက်၊ ဒါထက်တောင်ပိုဦးမယ်ထင်ပါ့။ ရုရှားမှာရောဘယ်လောက်လောက်ရှိနေမယ်မသိ၊ တစ်ဝက်တော့ကျော်မယ်ထင်တယ်နော်။ ဘာလို့လဲ ဆိုတော့၊ အစစအရာရာလွတ်လွတ်လပ်လပ်မြင်ခွင့်တွေ့ခွင့်၊ စဉ်းစားခွင့်တွေရနေကြတာလေ၊ ရုရှားရောက်တုန်းဘာလို့ဥခွံလေးထဲမှာ လိုကျင့်သုံးနေကြဦးမလဲ လက်တစ်ဆုပ်စာဆိတ်ဗိုလ်တို့၊ သူများတွေအလုပ်လုပ်နေတာပဲလျှောက်အော်နေတော့မှာလား၊ သေချာတယ်။ စာမေးပွဲတွေတိုင်း(ဒဗွား)ကနေတက်တော့မှာမဟုတ်ဘူး။
အခုမစ္စတာပီညဲရိုးလည်း၊နောက်တစ်ခေါက်ပြန်သွားဦးမယ်တဲ့၊ ဂမ်ဘာရီကြီးကတော့ ကုလမှာနောက်နေ့တွေဆိုရင် အစီရင်ခံစာတင်ပြီ။ သူကတော့ဘယ်လိုပြောမယ်မသိသေးဘူး။ ပီညဲရိုးကအင်းစိန်ထောင်ထဲအသံခိုးဖမ်းခံထားရတဲ့ပုဂ္ဂိုလ်လားမသိဘူး၊ သိရင်ပြောကြပါဦး ဗျို့၊မြန်မာပြည်သွားပြီးလူ့အခွင့်အရေးကိစ္စစုံစမ်းချင်တာ၊ ဗိုလ်သန်းရွှေဗီဇာမပေးတာ(၄)နှစ်ရှိပြီတဲ့။ ဗိုလ်သန်းရွှေကဘုန်းကြီးတော့သတ် တယ်၊ပီညဲရိုးတော့ကြောက်လိုက်တာ၊ ပီညဲရိုးကြီးကလည်းမြန်မာပြည်အကြောင်းနဲ့၊ သန်းရွှေအကြောင်းကောင်းကောင်းသိတယ်။ သူ လားရှိုးသွားပြီး၊ ဖွတ်ညည်းတဲ့အသံသွားနားထောင်ရှာမယ်မထင်ဘူး။ စဉ်းစားမိတာ၊စိတ်လည်းပူမိပါတယ်။ ဆိတ်ဗိုလ်တွေအတွက်ပေါ့။ တကယ်လို့၊သူတို့ရုရှားရောက်နေတုန်း၊ နောက်တစ်ခါဆန္ဒပြပွဲတွေပြန်ဖြစ်၊ နိုင်ငံတကာကလည်းဝိုင်းဖိညှစ်လုပ်လာလို့၊ ပြီးတော့ဗိုလ်မှူး ဌေးဝင်းလိုပုဂ္ဂိုလ်တွေအလျှိုလျှိုပေါ်လာခဲ့ရင်ဗိုလ်သန်းရွှေတို့မြေမြိုပါပြီတဲ့။သူတို့ဘယ်လိုလုပ်မတုန်း၊ရုရှားမှာတော့ပတ်(စ်)ပို့အစိမ်းရောင် လေးတွေကိုင်ထားတာပဲ။ လာတုန်းကတော့ပိုက်ဆံပေါခဲ့လို့၊ ကိုယ့်ဘာသာကိုယ်လေယဉ်ငှားစီးလာတာ၊ အရေးရယ်အကြောင်းရယ်ဆို၊ ဘယ်နေရာသွားလို့၊ ဘယ်လေကြောင်းနဲ့ပြည်တော်ပြန်ရပါ့။ လက်ထဲလည်းလေယဉ်လက်မှတ်ဖိုးလုံလုံ လောက်လောက်ရှိတာမဟုတ်။ မစားမသောက်ပဲ (၅)လလောက်စုမှ ရန်ကုန်ပြန်ရောက်မဲ့ကိန်း၊ ပူတင်ကြီးကလည်း၊လေယဉ်လက်မှတ်ဖိုး စိုက်ပေးပါ့မလား။ ဒါမှမဟုတ်၊ တစ်ခုခုစီစဉ်ပေးပါ့မလား။ ချက်ချင်းကြီးဆိုတော့လည်းရန်ကုန်ကငွေလာမပို့နိုင်။ ဘဏ်တွေကလည်းသုံး မရ။ ရင်မောလိုက်တာ။ အရေးထဲလာမယ့်စာမေးပွဲတွေကလည်းရှိသေး။ အခုတလောအွန်လိုင်းမှာကလည်းလူရာမ၀င်။ ဆိတ်ဗိုလ်တွေပြောတာပါ။ စစ်ဗိုလ်စစ် စစ်တော့မဆိုလိုပါဘူး။
တစ်ခုတော့ရှိတယ်။ တကယ်လို့အဲလိုဖြစ်ခဲ့ရင်လေ။ တော်ကြာနေဆောင်းတွင်းရောက်ပြီမဟုတ်လား။ လမ်းတွေပေါ်မှာနှင်းတွေကျလို့၊ ရေခဲပြင်ကြီးပဲမြင်ရတော့မယ်။ရာသီဥတုကလည်းဆိုးလာလိုက်တာ၊ လမ်းဘေးရှုးရှုးထိုင်ပေါက်ရင်တောင်မထွက်ခင်ခဲသွားမဲ့အခြေအနေ မျိုးမှာ၊ အားတော့နာပါရဲ့၊ ရေခဲရှင်းတဲ့အလုပ်ဝင်လုပ်ကြပေါ့။ ရုရှားတွေကပြောသာပြောတာ၊ နှင်းတအားကျလို့၊ လမ်းတကယ်ရှင်းလာရ ပြီဆိုရင်ကားတွေနဲ့မနိုင်တော့ဘူး။ လူအားသုံးလာရတော့ လူလိုတယ်လေ။ တစ်နေ့ရူဘယ်(လ်) (200)ရလည်းမနဲဘူးပေပဲ။ သာမန်ရုရှား ၀န်ထမ်းတောင် တစ်လမှ ပျမ်းမျှ ဒေါ်လာ (200) ပဲရကြတာကလား။ တွေးရင်းတွေးရင်းရင်မောမိတယ်။ သူများတွေကိုလိုက်ပြီးပြည်ပြေး တယ်ဘာညာလျှောက်အော်နေ။ ၀ဋ်ဆိုတာချက်ချင်းလည်တယ်နော။ ငရဲသာကြာချင်ကြာမှာ။ သူများတွေပြည်ပြေးတယ်ဆိုတာကအ လုပ်လေးအကိုင်လေးနဲ့ပြောချင်တာပြော၊ လွတ်လွတ်လပ်လပ်နဲ့လူ့အခွင့်အရေးအပြည့်အ၀ရတယ်။ ဘယ်သူမှဘယ်သူ့ကိုလက်အုပ်ချီရ တာမျိုးမရှိဘူး။ ဘုရား၊ တရား၊ သံဃာကလွဲလို့ပေါ့။ နောက်ဆုံးကုန်ကုန်ပြောမယ်ဗျာ။ ကိုယ့်လူတွေသာရုရှားမှာပြည်ပြေးလုပ်ရမယ် ဆိုရင်တကယ်လို့အလုပ်လေးအကိုင်လေးပါရှာတွေ့မယ်ဆိုရင်၊ နေသာနေလိုက်တော့။ ဗိုလ်သန်းရွှေအုပ်ချုပ်တဲ့မြန်မာပြည်ထက်တော့ အဆတစ်သိန်းလောက်ပိုကောင်းတယ်။ နေစရာမရှိရင်လဲ၊ မြေအောက်ရထားမှာ ကရင်မလင်ပတ်တဲ့ အ၀ိုင်းလိုင်းရှိတယ်မဟုတ်လား။ သူကတစ်နေ့လုံးမနားပဲမောင်းနေတာလေ။ ရထားထဲတစ်နေရာရာမှာခွေသာအိပ်လိုက်နေတော့၊ အကြောင်းကြောင်းကြောင့်ရထား မပြောင်းမချင်းတော့၊ဘယ်ရဲကမှလာမနှောက်ယှက်ဘူး။ တစ်ခုတော့ရှိတယ်။ အလကားနေအသားအရောင်မတူတဲ့၊ ဗီယက်နမ်တွေကို အဓိကလိုက်ဖိုက်နေတဲ့ လူငယ်အုပ်စုတွေကိုတော့သတိထားပေါ့။ မြန်မာတွေအများကြီးမော်စကိုမှာရှိတယ်ဆိုတာဒီကောင်တွေကောင်း ကောင်းသိတယ်နော်။ ဗီယက်နမ်တွေကကိစ္စမရှိဘူး။ သန်းနဲ့ချီနေတာ၊ မေဖီး(လ်)မှာနေတဲ့ကျောင်းသားတွေကတော့ဒီကောင်တွေအ ကြောင်းကောင်းကောင်းသိပါတယ်။ အကိုကြီးတွေဘယ်လိုခံခဲ့ရတယ်ဆိုတာပါ။ ဒီလိုပဲပေါ့သူများဆီသွားနေရတာကိုး။ ကိုယ့်တိုင်းပြည် မှာတော့ဘုန်းကြီးလည်းသောက်ရေးမလုပ်၊ ကျောင်းသားလည်းသောက်ဂရုမစိုက်၊ မိုက်တွင်းနက်နေသမျှတော့၊ ငရဲနဲ့ဝဋ်ကတော့ လိုက် နေမှာပဲ။ ။ ((မှတ်ချက်။ ။ “ဒဗွား” ဆိုတာနံပါတ်(၂)ကိုဆိုလိုတာပါ။ စာမေးပွဲတွေမှာတော့ ဂရိတ်တူးပေါ့ဗျာ။))

Read more...

ပြောချင်လွန်းလို့ (၁)

ဒီနေ့ကုလသမဂ္ဂမှာနိုင်ငံခြားရေးဝန်ကြီးဗိုလ်ဥာဏ်ဝင်းမိန့်ခွန်းပြောသွားပြန်ပြီ။ ဆန္ဒပြသူအနည်းစုလေးနဲ့ပြည်ပ သွေးထိုးမှုကြောင့် ဘာညာ၊ သာရကာတွေပဲပေါ့။ စစ်သားများပြောနေကြလိုပဲ ချီးပေါက်သွားတယ်လေ။ ကုလသမဂ္ဂခန်းမတစ်ခုလုံးနံစော်သွားတာပဲ။ ရှက်စရာ ကောင်းလိုက်တာ၊အင်္ဂလိပ်လိုကလည်းကပေါက်တိကပေါက်ချာ၊ မပြောတတ်ရင်လည်းအီရန်သမ္မတလို၊ ကိုယ့်ဘာသာစကားပဲကိုယ်ပြော ပါတော့လား၊ အေးလေ၊ ကုလမှာလည်း မြန်မာဘာသာစကားပြန်ဘယ်သူမှမလုပ်ချင်တော့ဘူးထင်ပါရဲ့၊အရှက်တွေကကွဲပြီးရင်းကွဲ၊ ရန် ကုန်ကဘာသာပြန်ပေးလိုက်တဲ့စာရွက်ကြီးတရစပ်ငုံ့ဖတ်သွားလိုက်တာ၊သနားစရာလည်းကောင်း၊ သောက်မြင်ကပ်ဖို့လည်း ကောင်း၊ မ ထူးတော့ပါဘူး ကုလမှာပဲတစ်ခါတည်း နိုင်ငံရေးခိုလှုံခွင့်တောင်းလိုက်ပါတော့လား။ ဟိုဘက်ကဖိထောင်း၊ ဒီဘက်ကဖိထောင်းနဲ့ကြာရင် တော့လုံးပါးပါးတော့မှာသေချာတယ်။ ဆိုးတာကဗိုလ်ဥာဏ်ဝင်းခင်မျာသူ့ဘာသာသူဖတ်သာနေရတယ်၊ ဘာလိမ်လို့လိမ်မှန်းတောင်သိပါ့ မလားပဲ။

နိုင်ငံတကာရောက်၊ပညာတတ်၊အဆင့်အတန်းရှိ၊ စဉ်းစားတွေးခေါ်တတ်ပြီးတော့ ကိုယ့်နိုင်ငံကိုချစ်တဲ့မိကောင်းဖခင်သားသမီး၊ မြန်မာလူ ငယ်များ...ခင်ဗျာ...ဘာလို့အချိန်ကုန်ခံပြီးဦးနှောက်မရှိတဲ့အဲဒီစစ်ခွေးပေါက်စနလေး တွေကိုဖက်ပြိုင်စကားပြောနေကြတာလဲ။ သူတို့ကို ဆွေးနွေးဖို့ကြိုးစားနေကြတာလား။ မလုပ်ပါနဲ့အရပ်ကတို့ရေ .. ဒီသဘောက်မသားတွေဟာ သူတို့ရဲ့လခလေးတွေတောင်ရှေ့လျှောက် ပုံမှန်ရဖို့အတော်လေးအခက်အခဲဖြစ်နေလို့၊သူတို့ခင်မျာမှာ၊အွန်လိုင်းမှာလျှောက်အာဖို့အတွက်၊ အင်တာနက်ကြေးလေးပေးဖို့၊ ဘီယာဖိုး လေး၊ ဆေး လိပ်ဖိုးလေးတောင်မလွယ်ဘူးဖြစ်နေလို့ဗျ။

ပြောရဦးမယ်။အရင်တုန်းကမရှိမဲ့ရှိမဲ့၊ ပြည်သူတွေဆီကနေမတရားယူထားတဲ့ပိုက်ဆံတွေ၊ နိုင်ငံ့ဘဏ္ဍာတွေကိုယ့်အိတ်ထဲထည့်၊ သူတို့ အုပ်ချုပ်ရေးခိုင်မာဖို့သာရည်ရွယ်တဲ့ရုရှားပညာတော်သင်စီမံကိန်းမှာအလွှတ်ခံထား ရတဲ့ အဲဒီကစစ်ဗိုလ်သေးသေးလေးတွေဟာတစ်လမှ(ဒေါ်လာ200)ပဲရကြတာကလား၊ အခုတော့သဘာဝဓါတ်ငွေ့လေး ရောင်းကောင်းလို့တစ်ယောက်(၅၀)တိုးပေးပြီး၊ ချီးမြှောက်ခံထားကြ ရတာလေ။ အထဲမှာနေတုန်းဝါးလုံးခေါင်းထဲ လသာခဲ့ကြတဲ့ သူတို့အတွက်ကတော့ မနည်းမနောပိုက်ဆံပဲ။ မမြင်ဖူးတာတွေမြင်ရ၊ မစားဖူး တာတွေ စားရ၊မသုံးဖူးတာတွေသုံးရ၊မစီးဖူးတာတွေစီးရ (လေယဉ်တို့၊ မက်ထရိုမြေအောက်ရထားပြောတာပါ) နဲ့တော်တော် များများ အောက်ခြေလွတ်ကုန်ကြတာကလား။ ကိုယ့်ဘ၀ကိုယ်နားလည်တဲ့ စစ်ဗိုလ်လေးတွေရှိကြပါတယ်။ အဲဒီကလေးတွေကလည်း သူတို့လို လျှောက်အာဖျံကွီးလုပ်ပြီး၊ အဖေကြီးအကြိုက်လိုက် ဟောင်မနေကြပါဘူး။ သူတို့အခြေအနေသိလွန်းလို့၊ကိုယ့်စာကိုယ်လုပ်ပြီး၊ အချိန် တန်အိမ်ပြန်ဖို့သာစဉ်းစားနေကြတာပဲ။ အဲဒီမှာကျောင်းသားဘယ်နှစ်ယောက်ရှိလဲ၊ (၁၀၀၀)၀န်းကျင်ပဲပေါ့။ (၁၀၀၀) လုံး လိုက်ဟောင် နေသလား၊ မဟောင်ဘူး။

သူတို့အခြေအနေသူတို့သိတယ်ဆိုတာကတော့ရှင်းပါတယ်။ ရုရှားတက္ကသိုလ်တွေကသူတို့မြန်မာစစ်ဗိုလ်တွေအနေနဲ့ လက်ခံပညာသင် ပေးနေတာမဟုတ်ဘူး။ ရှင်းရှင်းပြောရရင် သူတို့မလာခင်ကတည်းက၊ စစ်ယူနီဖေါင်းနဲ့ပတ်သက်တာ၊ စစ်တပ်နဲ့ပတ်သက်တာ ဓါတ်ပုံက အစဘာမှမယူခိုင်းဘူး။ရှင်းနေတာပဲ။ ဘယ်လိုပုံစံနဲ့နေထိုင်ပညာသင်နေကြရတယ်ဆိုတာအောက်မှာရေးထားတယ်လေ။ ရန်ကုန်စက်မှု တက္ကသိုလ်ကအင်ဂျင်နီယာဘွဲ့ လက်မှတ်တွေကိုဓါးပြတိုက်ပြီးတော့အင်ဂျင်နီယာ အယောင်ဆောင်လိမ်ခဲ့ကြတာ၊ အခုတော့အားလုံးသိ နေကြပြီ။အင်ဂျင်နီယာစစ်ဗိုလ်စစ်စစ်တွေ၊ ဆရာဝန်စစ်ဗိုလ်စစ်တွေရှိကြပါတယ်။ အနည်းစုပါ။ အများဆုံးကတော့ မေမြို့က စစ်ကျောင်း ဆင်းဗိုလ်တွေပါ။သူတို့ကတော့သိတဲ့အတိုင်းပဲ။ နိုင်ငံတော်ကြီးဆိုတာသူတို့၊ နိုင်ငံတော်ကိုသူတို့သာပိုင်တယ်။ မြန်မာ့နိုင်ငံရေးကိုသူတို့သာ စီမံခန့်ခွဲပိုင်ခွင့်ရှိတယ်ဆိုပြီး၊ဦးနှောက်အလဲခံထားရတဲ့သနားစရာ အင်မတန် ကောင်းတဲ့သတ္တ၀ါလေးတွေပါ။ သူတို့အသက်အခုရှိလှ(၂၅)၀န်းကျင်ပေါ့။ကျောင်းဆင်းတာနဲ့တစ်ခါတည်း၊တပ်ရင်းဆိုတာဘာမှန်းမသိခင်၊ နိုင်ငံခြားရောက်တော့လည်းဘ၀င်လေဟပ်၊ ခွေးပတပ်ရပ် သလိုဖြစ်နေတော့တာပေါ့။အဲဒါကြောင့်မပြောကြပါနဲ့လိုပြောနေတာလေ။ပြောတဲ့လူ၊ဟောတဲ့လူ၊ ပြောရင်းဟောရင်းနဲ့ အသက်ပါသွား မယ်။ ဒီကလေးတွေအသိတရားရမယ်မထင်။ သူတို့ဘယ်အချိန်မှာမှသိမယ်ထင်နေလဲ။ သူတို့အဖေကြီးကြိုးစင် ရောက်မှသိမှာဗျာတို့။ ဒါတောင်ပြောဦးမယ်။ တပ်မတော်ကြီးအတွက် အသက်စွန့်သွားရတာလို့၊ မြင်နေတယ်နော်ဒီက။

မြန်မာပြည်မှာသူတို့ပိုင်တဲ့၊ စစ်တပ်နဲ့ပတ်သက်တဲ့ကျောင်းတွေ၊ တက္ကသိုလ်တွေသာပြည့်စုံတယ်နော်၊ အားလုံးပေါ့၊ အထောက်အကူပြု၊ ပစ္စည်းကရိယာ၊ ဆရာ။ ဒါပေမယ့်ရုရှားရောက်တော့သနားစရာဖြစ်ကြရပြန်တာပဲ။ နွား ခြေရာခွက်ထဲ ကမ္ဘာသစ်တည်နေကြတာကိုး။ ရု ရှားမှာပထမဆုံးအခက်အခဲကဘာလဲဆိုတော့ဘာသာစကားပဲ။ဒါကတော့နိုင်ငံတိုင်းမှာ၊မြန်မာတိုင်းကြုံရတာလေ။ ငယ်ငယ်ကတည်းက အင်္ဂလိပ်စာနဲ့သာရင်းနှီးလာတဲ့မြန်မာတွေရုရှားနဲ့လည်းထိပ်တိုက်တွေ့ရောပြာယာခပ်ကုန်ကြတာပေါ့။ အရင်တုန်းကဆိုရင်ရုရှားကိုလွှတ် တဲ့အခါအဲဒီစစ်ဗိုလ်တွေကိုဘာမှကြိုတင်သင်ကြားမပေးပဲ ဒီအတိုင်းလွှတ်ထည့်လိုက်တာ။ လေယဉ်ပေါ်မှာတင် စပြီးဒုက္ခရောက်ကြရတာ ပဲ။ရုရှားလေယဉ်မယ်တော်တော်များများကလည်း အင်္ဂလိပ်စာမတတ်၊တတ်ရဲ့သားနဲ့သောက် မြင်ကပ်ပြီးသူတို့ကိုမပြောတာလားတော့ မသိ။ အစားအသောက်ကိစ္စကနေစပြီးအိုးနင်းခွက်နင်းဖြစ်ကြရတာ။ ရောက်ပြီးတော့မှဘာသာစကားကို (အာ၊ဘယ်၊ဂယ်၊ဒယ်) လောက် ကနေစပြီးသင်ကြရတာကိုး။ ဘာလို့လဲတော့မသိဘူး။ မဟာသင်တန်းစတက်မဲ့မြန်မာကျောင်းသားအားလုံးဟာရုရှားပညာရေး အဆင့် အတန်းအရ(၁၀)တန်းသာသာပဲရှိကြတာကိုရုရှားဆရာတွေအားလုံး အံ့သြသင့်ကြရတော့တာပဲ။စာမေးပွဲတွေစစ်ကြသေးတယ်။

အရည်အချင်းစစ်သဘောပေါ့လေ။ ဘာမှမခက်ပါဘူး။ အရင်ကမြန်မာပြည်မှာ (၈) တန်းအဆင့်သင်္ချာ၊ရူပ၊ဓါတု၊ အဲလောက်လေးစစ်တာ တောင်မှလူ(၄၁)ယောက်မှာအယောက်(၄၀)ကျဖူးတဲ့အခြေအနေရှိတယ်ဗျို့။ မဟာသင်တန်းဘယ်နှယ့်လုပ်သင်ကြမတုန်း။ ဒါပေမယ့် အလုပ်ဖြစ်ပါတယ်ဗျာ။ အထည်ကြီးပျက်ရုရှားတွေကပိုက်ဆံရတယ်လေ။ ပြီးတော့မြန်မာပြည်မှာနောက်ထပ်ရစရာတွေတစ်ပုံကြီး ရှိသေး တယ်။ပြီးတော့ရုရှားဘွဲ့ရထားတဲ့မြန်မာတွေအမေရိကန်သွားအလုပ်လုပ်မှာမှမဟုတ်ပဲ။ အရည်အချင်းမရှိပဲဘွဲ့ပေးလိုက်လည်း ဘာမှ မ ဖြစ်ဘူး။စ စ်ဗိုလ်တွေကိုသူတို့ကလွဲပြီးဘယ်နိုင်ငံကမှ လက်မခံတာသူတို့သိနေကြတာပဲ။ ၀ါးလုံးခေါင်းထဲပဲပြန်လွှတ်မှာလေဗျာ။ အဲဒီတော့ တတ်တတ်မတတ်တတ်၊သိပ်ရုပ်ပျက်ဆင်းပျက်မဖြစ်ရင်၊ အချိန်တန်ရင် တော့ဘွဲ့တစ်ခုပေးလိုက်တာပါပဲ။ တစ်ချို့ပညာအဆင့်အတန်းကို တကယ်တန်ဘိုးထားတဲ့ဆရာတွေတော့ရှိတယ်နော်။ ဘာကြောင့်ဖြစ်ဖြစ်လုံးဝအထိမခံတဲ့ဆရာတွေကြောင့် အချိန်မတိုင်ခင်ဖျာလိပ်ပြန် ကြရတဲ့သူတွေရှိတယ်။ ရုရှားအစိုးရက သူတို့ကို(-)င်ချနေတာ အဟုတ်ကြီးမှတ်နေတယ်။ ဘွဲ့ရပြန်လာပြီးတဲ့သူတွေ ဘယ်နှစ်ယောက် လောက်ကိုယ့်နိုင်ငံအတွက်ထိထိရောက်ရောက်အလုပ်လုပ်နေကြသလဲဆိုတာတော့တော်တော်စဉ်းစားရကြပ်တာပဲ။ခက်လိုက်တာ။

အဲဒါကြောင့်ဘာမှနားမလည်တဲ့ သွေးနားထင်ရောက်နေတဲ့၊ သူတို့ကိုခွင့်လွှတ်ပေးလိုက်ကြပါ။ မြန်မာပြည်မှာလည်း လူတွေအမုန်းခံရ၊ အွန်လိုင်းမှာလည်းအရောဝင်ချင်တဲ့လူမရှိဆိုရင်၊ စိတ်ညစ်ပြီးမက်ထရိုရထားကြိတ်အသေခံသွားကြမှာစိုးရတယ်။ အခုနောက်ပိုင်းတော့ အရှက်ကွဲလွန်းလို့ထင်ပါတယ်။မေမြို့မှာကတည်းက ရုရှားဘာသာစကားကြိုသင်ပေးပြီးမှလွှတ်တဲ့စနစ်ကိုသုံးလာတယ်။ အဲဒါအဆင့်မီ သလားဆိုတော့တတ်တဲ့သူတော့ရှိပါတယ်။လက်ချိုးရေလို့ရတယ်ဟိုရောက်ရင်(၉)လတော့အစအဆုံးပြန်သင်ပေးရတာပဲ။ တကယ့်မဟာ သင်တန်းတွေထားလိုက်ပါဦး။ လစဉ်စစ်တဲ့ရုရှားဘာသာစာမေးပွဲတွေကျလို့၊ မြန်မာသံရုံးသွားပြီးအဆဲခံရတာမြန်မာကျောင်းသားတော် တော်များများအတွက်ကတော့မထူးဆန်းဘူးဆိုရမှာပဲ။ လကုန်ရက်တွေဆိုမော်စကို မြန်မာသံရုံးကတကယ်အလုပ်လုပ်တာ။ ကျောင်း တွေကတင်လာတဲ့ ရီပို့အရ၊ စာမေးပွဲကျတဲ့သူတွေခေါ်ဆဲရတာ။ လခ ထုတ်ပေးရတာ။ ချွေးမထွက်ပဲနိုင်ငံ့တာဝန်ထမ်းနေကြတာလေ။

သူတို့ပြောလေ့ရှိတယ်။ ပလူကိုပျံနေတာပဲ၊ဘာတဲ့၊ ခင်ဗျားတို့နိုင်ငံအတွက်ချွေးဘယ်နှစ်စက်ကျဖူးသလဲတဲ့။ တော်တော်ကလေးဆန်ပြီးအ တွေးခေါ်တုံးလွန်းတဲ့စကားလုံးတွေပဲ။ ဒီလောက်တုံးလွန်းညံ့လွန်းတဲ့သူတွေကိုရှင်းပြစရာမြန်မာစကားလုံးရှာမတွေ့တော့လို့မပြောတော့ ပါဘူး။ဒါပေမယ့်စကားတစ်ခွန်းတော့ကြားဖူးတယ်။ ဘာတဲ့ “လဒ” လောက်တော့ငှက်တိုင်းလှတယ်ကိုယ့်လူရေ .....တဲ့။ ပြောချင်လွန်း တာတွေပါ။

မှတ်ချက်။ ။မက်ထရိုဆိုတာမော်စကိုမြေအောက်ရထားကိုပြောတာပါ၊ မသိခဲ့ရင်ပြောတာပါ။ရုရှားလေသံ စစ်စစ်နဲ့ပြောရရင်တော့ “မီသရို” လို့ခေါ်ပါသကိုး .. အရပ်ကတို့ရေ..... )

Read more...